Vlamsche Biologie Olympiade
From Wikipedia
De Vlamse Biologie Olympiade besode sèns 1990. Die Olympiade richt em toe leerlieng van 't middelbaar onderwys, surtoe de die van 't latste jaar. Ze wordt ingericht deur de VOB, de Vereniginge voe 't Onderwys in de Biologie, en ze werken dovoorn tope met de Vlamse Univs en e paar geldschieters.
Der is eest een preselectie in de loop van februari wo bie dat al d'ingeschrevenen een reke meerkeuzevragen kriegen die gefocust zien ip de leerstoffe van 't vak biologie van de derde graad middelbaar onderwys.
D'eeste 15 laureaten worn in de Posvakanse uutgenodigd voor een byscholinge over verschillende items uut de biologie. Ze leggen in een selectie zowel theoretische als praktische examens af.
Ip een officiële proclamatie worn de resultaten bekend gemakt tope met d'andere Natuurwetenschapsolympiades, namelyk de Vlamse Fysica Olympiade en de Vlamse Chemie Olympiade.
D'eeste 2 kriegen de keure om mee te doen in d'eeste weke van juli an d'Internationale Biologie Olympiade die alle jaren in een ander land wordt ingericht. België was gastland in 2001.
[bewerk'n] Externe links
- Vlamse Biologie Olympiade VBO http://www.vob-ond.be/Olympiades/Vlaamse%20olympiade/Vlaamse%20biologieolympiade.html
- Nederlandse Biologie Olympiade http://www.biologieolympiade.nl/
- Internationale Biologie Olympiade IBO http://www.ibo-info.org/
