William Redmond
From Wikipedia
William Redmond (geboren in Wexford in 1861, gestorvn bie Wytschoate 7 juni 1917) was un strieder vo de oenaf'ankelyk'ied van Ierland die meevocht in den èèste weireldorloage teegn de Duutsche en sneuvelde an 't begin van de myn'nslag in 1917.
[bewerk'n] Leven
Majoor William Hoey Hearney Redmond was sedert 1884 lid van 't Britse Lageruus ols lid van de Nationalist Party. Ols Ierse nationalist was 't ie un vôorstander van d'oenaf'ankelyk'ied van Ierland. Je geloofde da d'Ierse zake zoe voruut g'olpen zien os de Ieren met de Iengelse zoen meevechtn in den èèste weireldorloage. Ols majoor werd Redmond den anvoerder van et 16ste Ierse Divisieregiment.
Zun bedoelienge vo verzoening tussen de Zuud- en de Nôord-Ieren was eigenlyk ol van in 't begin toet mislukk'n gedoemd: zien divisie mocht eur groene vlagge met den Iersen 'arp up nie meedoen no 't froent, woa dan de Nôord-Ieren van de 36ste Ulster Divisie under vlagge met de 'rôon 'and van Ulster' wel mochten meedoen. Et 36ste kreeg stelselmoatig betere ipleidienge en betere wapens dan het 16ste.
[bewerk'n] Dôod
Bie de vôorbereidiengn van de myn'nslag at Redmond permissie gekreegn vo bie zun mannen an 't froent zelve te zien. Je stormde ols anvoerder, 56 joar oed, ols èèn van d'èèste uut de loopgrav'n bie de start van den aanvol, wodeure dat ie redelik rap deur de Duutsche kogels getroff'n werd. Majoor Wiliam Redmond werd nog noa et ospitol in Loker gebrocht wo dat ie in den achternoene stierft. J'is begroaven in d'omgevieng van Locre Hospice Cemetery in un apart graf helegans ollène in 't veld.
