Motî:amisse
Èn årtike di Wikipedia.
amisse
I. [o.n.] ome u valet k' on s' etind vormint bén avou lu. C' est dins l' måleur k' on cnoxhe ses amisses. Il estint grands amisses eshonne, mins i n' si loukèt pus. Tôr, c' ît s' grande gosse do bracner ene miete, istwere d' aveur on live po dinner l' dimegne oubén po fé plaijhi a èn amisse (R. Painblanc). Èm fi ! vos berdelaedjes C' est tos peurs tchafiaedjes; Dji so vosse vî cama; Ddja amisse di vosse pa (J. Beaucarne). rl a: anîsse (femrin), On dit eto: camaeråde, cama, soçon, planket, copleu. F. ami. >> hé, l' amisse!: houcaedje po-z atôtchî onk k' est a damaedje.
II. [addj.] amiståve. F. affable.
Etimolodjeye: latén amicus (minme sinse).
| amiståve [addj.] ki c'est plaijhi d' lu (di leye). Elle est amiståve avou tot l' monde. Nosse novele soçonde a yeu rade fwait po nos trover les adresses Etrernete d' on fel moncea d' djins, djusse metous so nosse voye; et tertos foirt amiståves, cobén. Adonpwis, Babete amiståve, Si toûne viè ls etrindjirs: " Hay djans ! Vocial l' afwaire, dit-st ele, al tåve ! (F. Duysinx). On dit eto: vayant, djinti, avnant, plaijhant. F. aimable, affable, amène, courtois, cordial, bienveillant, sympa, sympathique. >> amiståve come ene poite di prijhon: nén amiståve do tot. On dit eto: målamiståve. F. peu aimable, rébarbatif, antipathique. >> match amiståve: match ki n' conte nén po ene cope u on tchampionat. F. match amical.
| amiståvmint [adv.] d' ene amiståve manire. F. aimablement, courtoisement, cordialement.
| amiståvté
1. cwålité d' onk (ene) k' est amiståve. F. amabilité.
2. amisté. F. amitié.
| amisté [f.n.]
1. rilåcion di deus amisses. Lu, c' end est onk k' a d' l' amisté po ls ôtes. F. amitié.
2. djesse ki mostere k' on vos inme bén. C' est des djins ki fwaiynut des des amistés a tertos. F. marque d' amitié, amabilité.
| amiståvisté [f.n.] cwålité, djesse d' onk (ene) k' est foirt amiståve. Dji m' ritroveu å mitan d' co djonnetes, Ava Gardner, Bete Davis udonbén Birdjite Bardot, a bén m' leyî sognî, et m' fé bistoker d' amiståvisté ki m' Mardjo n' aveut nén l' idêye ? (J. Schoovaerts). F. affabilité, bienveillance, politesse, gentillesse, civilité, bonne grâce, mansuétude.
Mots d' aplacaedje :
- fås-amisse
- boun-amisse
- målamiståve.
- nateure-amiståve
- amidjåler (?)
Mot d' etroclaedje:
Minme sitok etimolodjike:
