Camille Gaspard
Èn årtike di Wikipedia.
Camille Gaspard, a vnou å monde e 1917 sol ban do Grand Haleu, et a morou e 1991. Di s' mestî, il esteut cinsî.
C' esteut on scrijheu e walon do payis di Ståvleu, k' a dmoré lontins a Waene. Il a scrît des pîces di teyåte e walon (sovint e zandrins), et beacôp des ptits bokets et des tchansons, et on bea hopea d' paskeyes.
Il est purade kinoxhou po ses tchansons, k' on trovéve divins les ptitès gazetes. Ene did zeles, "Vive nosse Walonreye", pout esse loukeye come l' ime nåcionål el Hôte Årdene.
Camile Gaspård a cmincî a scrire divins les anêyes 1930, et il tofer sicrît, disk' al fén.
Les scrijhaedjes da Camile Gaspard ont stî corwaitîs pa François Duysinx, a pårti des papîscrîts wårdés pa Jean-Philippe Legrand, si ptit-fi.
Les tinmes da Camile Gaspard sont classikes mins li motî eyet l' croejhete sont foirt peurs, sins waire di rfrancijhaedjes.
Ådvins |
[candjî] Les pîces e walon da Camile Gaspård
- Halpate et Carapate (1957)
- Li rond d' ôr (1959) (comedeye e troes akes).
- Pirontchamp (1961) (comedeye e troes akes e zandrins).
- Li dringuele (tradji-comedeye).
- Fefene court les voyes.
- Årtike 10 (comedeye d' èn ake avou des tchansons).
- Florijean.
[candjî] Djivêye des scrijhaedjes da Camille Gaspard
[candjî] A-D
- A stok
- Â vî cruç'fi
- Alè Hay'
- Amoureûse
- Bèle amitié
- Bèle Marèye
- Bourtèdje
- C'est dès canayes, fré Collard!
- C'èst l'dolar
- C'èst l'prétimps qui tchante
- C'èst mi qu'a l'pus bèle
- C'è-st-on valèt!
- Chez le ministre de la guerre ?
- Complinte d'on couyon
- Complinte d'on roûvyisse
- Complinte so lès clokes
- Côp d'huflet
- Cwand dj'ârè l'million
- Cwand tos nos prisonniers revinront
- Dj’a do bon cafè
- Dj'a l'moto!
- Dji tchante por vos
- Dju m'va 'nnè raler d'min
- Dju n'brankèle dè mî
- Dju sé qu'lès omes sont toursiveûs
- Dju so buzé
- Doucès k'pagni
[candjî] E-K
- E l'leune
- Eles ralonguihèt !…
- Elle a l'bèguin por ti
- Fifine
- Frauder (paskeye di guere)
- Fré d'lidje
- Grand-pére èt p'tite fèye
- Grands-omes
- Houte, ouveûre… tchante!
- I fât tchanter
- I gn-a toudi sôre ou l'ôte ki n'va nin
- Improbable
- In n'mu plait nin d'aler pus reûd
- Inte du nos-ôtes
- Jeunesse (P)
- Ké marièdje!
[candjî] L-M
- La petite noblesse sartoise
- L'émancipation dul'fème
- Lès deûs curés
- Lès deûs patrouyeûs
- Lès deûx dramatiqueûs
- Lès deux vîs
- Lès djoyeûs clicotîs
- Lès flaminds d'so lès hés
- Lès flaminds musikeus
- Lès macrales
- Lès prih'nîs (pîce)
- Lès ptits progrès
- Les silos
- Lès simpès djins
- Les treûs côs vingt ans
- Lès-omes
- Li payzan d'tileû
- Li ptit sôdar
- Li tchant dè tchampète
- Li tchant dès troubadoûr
- Louk'
- Lu fâve da djîles
- Lu goûrdjon ?
- Lu p'tite djoyeûse
- Lu seûl cô k'dj'a ploré
- Lu sint-Nicolê Tirolyin
- Lu tchant d'Belvâ
- Lu tchant dès Wihots
- Lu tchant d'l'amicale
- Marèye Clapète
- Mi ome en vantrin
- Moisson
- Mu p'tit Viyèdje
[candjî] N-R
- Nos deus
- Noyé Bondjoû wvèzène
- Noyé dès Ardenès
- Noyé Evandjîle dul'nut'
- Noyé fièsse d'amoûr
- Noyé fiesse doûce
- Noyé l'èfant Dju èst v'nî â monde
- Noyé lihèdje do lîve d'Izayîe
- Noyé lihèdje dul deûzîme lète
- Noyé nut'e d'espérance
- Noyé po l'djou d'ouy
- Noyé, tchantans Noyé
- Noyé, vègne tant d'amoûr
- On pind l'Crama
- On p'tit air d'armonica
- On r'tour du fièsse
- Paskèye à Joseph Sépult
- Paskèye à Jules Bahim (1935)
- Paskèye à Jules Bahim (1945)
- Paskèye à M. L'abbé Sevrin
- Paskèye à M. l'curé dul Haleûs
- Paskèye po l’marièdje da Simone èt Maurice
- Pasquèye so les bâcèles
- Payis d'Lîdje
- Pèneus'té
- Petits
- Piscrosse
- Pitit Mamé
- Pititès fleûrs du prétimps
- Plin d'mèhins
- Po les djins du'm payis
- Po r’pârler lès-omes
- Po ravizer lès-omes
- Pocwè n'av'nin v'ni
- Pout-on creûre…
- P'tis oûhès, s’vos èstiz dès-omes
- Quand c'est qu' tu mèts ton beau vantrin
- Rîmê po l'meû d'avri 89
- Rin d'tél po s'mète so ton!
- Ruv'ni
[candjî] S-Z
- Si j'avais la chance (P)
- Solo
- Solo d'nosse walonn'rèye
- Sone èt sone, timpèsse…
- Sourire (P)
- Sov'nance du qwand j'esteû ptit
- St Nicolè Tyrolien
- Tchanson so lès tchansons
- Tchante valèt
- Ton sourire
- Tyroliène d'amour
- Tyroliène d'Ardène
- Tyroliène dè râskignoû
- Tyro-Tyrolienne
- Valsans
- Vîgreûs payizan
- Vigreûse Ardène
- Vive lès Wihots!
- Vîve lu djôye
- Vive nosse Walon'rèye
- Vola l'martchand
- Wice l'a-dj'mètou
- Wice va-t-i
[candjî] Onk des pus beas arimea da Camile Gaspård
Ci arimea cial a stî scrît e 1945, et esse prumé al bate des tchansons di Jeunesse Rurale e 1946.
- Å vî cruç'fi
- Dji t’ voe si voltî, vî cruç'fi,
- Dispoy tant des ans la dressî,
- Påjhûle, adlé li ptit pont d' pire.
- Tot mierseu, a l’ ôrire do bwès !
- K' i fwait bon s' adjeni dvant twè
- Po fé s' priyire !
- Å pî do tier, come po t' catchî,
- T' as l' air di t' voleur fé tot ptit,
- Mins por twè l' Nateure tchante timpesse :
- Ele tchante li bonté et l' grandeur
- D' on doûs et divin Creyateur
- Ki stind ses bresses.
- Avå les åbes et les bouxhons,
- Les oujheas dbitèt leus tchansons,
- Sol tins k' li ptit ri glawzinêye
- Et rastådje tant k' i pout s' corant,
- Come s' i fouxhe binåjhe tot passant
- Di t' poleur vey.
- Bon vî cruç'fi, tot t' voeyant la,
- Dvintrinnmint, dji rtuze a ces-la
- Ki t' ont planté so l' boird di l' fagne.
- C' est leu fwè k' elzî fjha tchoezi
- Cisse tinrûle coine, po-z enôbli
- Tote li campagne !
- I m' shonne ki dj' les doe continter,
- Ces vîs parints k' nos ont cwité,
- Cwand dj' apoite kékès fleurs bén frisses,
- Po t' els ofri do fond di m' cour,
- Vî cruç'fi, ca ‘le sont di mi amour,
- Les doûcès dvizes.
- Mins les djins d' ouy, c' est anoyeus,
- N' acontèt pus les vîxhès croes; (creûs)
- I rnoyèt leu fwè sins nole honte.
- N' est ç' nén çoula målureuzmint
- Ki ramina tant des tourmints
- So nosse pôve monde ?
- Nos n' lairans portant nén rovyî
- Cisse grande ritchesse di nosse payis.
- Et s' ti touméves on djoû e blesse,
- Bon vî cruç'fi, ti pous conter
- Ki nos serans po t' rilever
- Tote ene djonnesse !
[candjî] Hårdêyes difoûtrinnes
Camille Gaspard
