Djermêye 48
Èn årtike di Wikipedia.
Li djermêye 48, c' est ene trope di scrijheus ki s' ont cnoxhou diviè l' anêye 1948, et k' estént adon al fleur di l' ådje. Il estént d' acoird di rcandjî pår les scrijhaedjes e walon. Sovint eto, c' esteut des féns cnoxheus del diyalectolodjeye, et sacwants, des diyalectolodjisses a l' unife. L' atuze a stî trovêye et diswalpêye e francès pa Lorint Hendschel.
[candjî] Istwere del djermêye 1948
Å cmince, les scrijheus del djermêye 1948 estént purade des fjheus d' arimeas. I fourît rashonnés dins ene ramexhnêye di powinmes e walon, eplaidîs amon li rlomêye måjhon francesse Gallimard pa Maurice Piron. Ci-cial vineut d' mete noer so blanc ses critikes so les vîs scrijhaedjes e walon. I pout esse riwaitî come li mwaisse cotuzeu del djermêye 1948.
[candjî] Les scrijheus del djermêye 1948
- Sicrijheus d' arimeas.
- Sicrijheus d' prôze.
- Rimetous avou l' djermêye 48, di cåze di leu stîle, mins k' ont scît inte les deus gueres n' ont nén tant hanté avou zels.
- Franz Dewandelaer.
- Willy Felix.
- Gabrielle Bernard.
- Ont shuvou li stîle del djermêye 48 inte 1948 et 1970.
- Djôr Smal.
- Victor Georges
- Jenny d' Inverno
- Emile Gilliard
[candjî] Mwaissès idêyes del djermêye 1948.
I vlént ki les belès letes e walon divnénxhe d' on livea k' ahåye li literateure univiersale. I s' dinént des conseys inte di zels. Maurice Piron et Jean Guillaume estént rwaitîs come les mwaisses tuzeus di ç' movmint la.
Les scrijheus del djermêye 48 ni djåzént måy walon inte di zels.
Les scrijheus del djermêye 48 n' ont dandjreus måy tuzé kel walon pôleut esse eto eployî po scrire del prôze nén racontrece.
