Gcao Coma
Èn årtike di Wikipedia.
Gcao Coma (16 di decimbe 1944 - 1î d' djulete 2003), pus cnoxhou dizo l' no di N!xau, esteut-st on cinsî ey èn acteur namibiyin k' a divnou fåmeus lon et lådje tot djowant l' role di Xixo, bushman do Kalahari dins l' film The Gods Must Be Crazy (Les dieux sont tombés sur la tête dins l' modêye e francès) eyet ses shûtes.
Disk' al fén di s' vicåreye i continouwa d' viker sorlon li môde tradicionele des San, aclevant des vatches, ey alant tchessî. I mora li prumî d' djulete 2003, d' ene nén médiåve tuberculôze, tins k' i tchessive; ey esse eteré al môde tradicionele adlé l' tombe di s' deujhinme feme, a Tsumkwe.
Ci lingaedje maternel esteut l' Ju/'hoansi. I djåzéve eto foirt bén li Otjiherero eyet l' Tswana, ey ene miete l' Afrikaans.
Si ptit no esteut G!kau, li pont d' esclameure riprezinte on côp d' glote, li no di N!xau k' il est cnoxhou dins les fimes, c' est ene flotche di tapaedje.
