Jacques Morayns

Èn årtike di Wikipedia.

diviè 1965

Jacques Morayns, c' est l' no d' pene da Adolphe Gonda, k' a skepyî ås Cahotes, a Horion-Hozémont, li 3 d' måss 1914. C' esteut on scrijheu d' arimeas et d' prôze-powezeye e walon. Il a eto scrît sawantès pîces di teyåte.

Il a eto fwait, avou Jules Lempereur, on motî walon francès, on franwal, ene croejhete et on live di codjowaedjes di l' accint lidjwès.

Morayns fijheut ossu bén avou les soces di Lidjes ki les cenes di Nameur (Relîs Namurwès), ki d' Tchålerwè ALWAC.

Il a rascodou toplin des pris ås bates di scrijhaedje des oteurs walons et do Cavea Lidjwès.

Ses pîces di teyåte ont stî sovint djouwêyes å Triyanon. End a k' on stî redjårbêyes pol radio.

Djåke Morayns sicrijheut voltî ses dicåçtaedjes e walon.

Il est rprins dins l' Antolodjeye "Fleurs diyalectåles" (1975) et dins l' Antolodjeye Scrire.

E 1980 «La Wallonne» eplaida-st ene ramexhnêye di sacwants di ses scrijhaedjes dizo l' tite “Clignetes ås stoeles”.

Di s' mestî, il esteut scrijheu e francès. Il a fwait dipus d' deus cints romans dins l' lingaedje da Voltaire.

Ådvins

1 Sacwantès ouves da Djåke Morayns.
- 1.1 Ramexhnêye d' arimeas.
- 1.2 Teyåte
2 Hårdêye difoûtrinne

[candjî] Sacwantès ouves da Djåke Morayns.

Dicåçtaedje do ptit live "les aroyes do cir"

[candjî] Ramexhnêye d' arimeas.

Li Walonreye el guere ey el påye, Lidje, 1946
Tåvleas lidjwès, 1953
Li rozêye so les foyes, (Pris do 50inme aniviersaire des Relîs Namurwès, eplaidî dins Les Cayés Walons, Nameur, 1958
Viet-Nam, 1965
Li muroe ås ombions, 1969
Les limes di pire, 1972
Pinsêyes walones, 1972
Li voye des sondjes, 1972
Rimes po les aveules, 1972
Sol voye do tins, 1977

[candjî] Teyåte

Sacwantès pîces di teyåte sicrîtes pa Djåke Morayns

Alpayide d' Avroe, Arimêye pîce istorike e 3 akes, 1960
Lu ? - Pîce e 3 akes, 1960
Li procès, arimêye pîce en èn ake,1971
Rôlete russe, pîce en èn ake, 1972
Li stoelî est todi rodje, pîce en èn ake, 1972
Li loumire, pîce en 3 akes, 1972.
Sint Nicoley, pîce en èn ake, 1972
Li djoltî, pîce e 3 akes, 1973
Bazile, pîce en èn ake, 1975.
Li haerna, pîce e 3 akes, 1976
Li cinse ås cwåres, pice e 3 akes, 1976, redjårbêye pol radio sol tite "Li poite di fier".
Les maclotes, pîce e 3 akes, 1979
Francene, pîce e 3 akes, 1980
Prumî amour, Comedeye al muzike e 3 akes
Si dierin role, pîce e 3 akes, 1980