Li Såverdea (gazete)
Èn årtike di Wikipedia.
Li Såverdea (ki si scrît Lë Sauvèrdia), c' est ene rivowe del soce di scrijheus "Les Såverdeas d' après Djodogne", k' eplaide des belès letes e walon. Li no provént do lomaedje do moxhon d' toet dins l' payis d' Djodogne.
C' est des foyous tapés al machine, enimådjîs di des ptits dessins å croyon. Gn a 10 limeros tos ls ans.
Li Såverdea aveut ddja stî enondé e 1892 pa Edmond Etienne. Mins s' n' aveut i duré k' èn an.
Li rvowe a riskepyî e 1983, dabôrd ki li Noer Boton vineut di stater.
Dispu li cmince, li mwaisse-eplaideu a stî Henry Lerutte, eyet li penleuse, Germaine Massart. Dispu les anêyes 2000, c' est bråmint Jean-Jacques Gaziaux ki s' ocupe do secretariat.
Les scrijhaedjes do Såverdea ont siervou d' soûmint a deus antolodjeyes a tinmes, ramexhnêyes pa Jean-Jacques Gaziaux :
- Nos campagnes, sol tinme do vicaedje dins les cinses (1998).
- Vey voltî, sol tinme des hantaedjes et do mariaedje (2002).
[candjî] Sacwants scrijheus e Såverdea
- Joseph Boucher
- André Dewelle
- Jules Flabat
- Andrée Flesch
- Jean Flesch
- Gérard Havelange
- Henri Lerutte
- Odile Uyttebroucke
