Maissin

Èn årtike di Wikipedia.

L' eglijhe di Maissin

Maissin, c' est èn ancyin ptit ban del Walonreye, rabané avou Palijhoû. A sti one dèpandance du Viyance

Limero del posse: 6852 (vî limero 6913)
Limero diyalectolodjike: Ne 22
Arondixhmint: Li Tchestea.
Eplaçmint sol Daegn : 49°58'00 N - 5°10'55 E.
Sipotaedje des djins : les Zoumes (les omes, prononcî come la-minme).
Eglijhe dinêye a sint Houbert e 815, pu ki passe a l' abeye di Prüm e 1083 come discandje avou Tchvigni. Aonpwis, ele rivént a l' abeye di Ståvleu.

Po l' etimolodjeye et les vîs scrijhas, riwaitîz dins l' esplicant motî.

Ådvins

1 No di des plaeces di Maissin.
- 1.1 Hamteas
- 1.2 Ôtès plaeces
2 Djeyografeye
3 Istwere
- 3.1 Les batreyes di Maissin
- 3.2 Li çmintire burton.
4 Tuzance walone
5 Hårdêyes divintrinnes
6 Hårdêye difoûtrinne

[candjî] No di des plaeces di Maissin.

[candjî] Hamteas

a l' Almoenne (so plaece Almwinne).

[candjî] Ôtès plaeces

[candjî] Djeyografeye

L' Aiwe di Lesse fwait limite inte Maissin eyet Viyance et Transene.

[candjî] Istwere

Ou XIII° s., Maissin ére ou duché de Lucsambourg, pou ruvnu et dmèrer al måjhon du Viyance an 1334. L'ocupacion romin.ne est atèstéye pa in martê du silex, à 8 pans, rumètu å Muséye du Bruselles pa M.Dubois. On signale ène villa (Mansio Meatus) ou lieu-dit "Ramay", duzous l' viadje, dulé la route du Pwès ; ène çumintire romin.nes avu tumulus du costé du l' Almwin.ne ; in viadje disparu duvè 1678, a-z alant su Our, ou dzeus du ban d' Feuilly, et loumé Buteaux. La route du Lîdje à Sedan passot pa Maissin, sul pont Marie-Thèrése, båti på espagnols d'Albert et Isabèle. (Racsègnes du l'Abé JB Christophe du 16 avril 1891.) Sourdant: Tandel, Arlon - 1893.

[candjî] Les batreyes di Maissin

Li çmintire di 1914

Li semdi 22 d' awousse 1914, Maissin a veu li prumî rescontraedje eter les Burtons do 11° C.A. français et li XVIII° coir almand di Hesse. Il a falou l' arivêye do XVIII° Coir di rzieve po vni a bout des Francès. Ci semdi la et li nuteye ki shuveut, c' est 3-4.000 Francès et 3-4.000 Almands k' ont dmoré sol cwårea. Et c' est l' avance des Almands so Anloe k' a fwait rcouler les Francès. Li moes d' awousse 1914 a stî dins li Lussimbork bedje, di Vierton a Vierzeye (Djedene), li teyåte des prumîs apougnaedjes eter les deus årmêyes francesses et almandes.

Les viyaedjes ont sofri bråmint di ces combats la (måjhons greyeyes et civils touwés).

[candjî] Li çmintire burton.

Intrêye di l' aite militaire di Maissin

Li çmintîre Pierre Massé rashonne dispu 1932 tos les sôdårds moirts di Maissin, mins ossu les cis di Poitchrece et di Bive.

Li comene di Trévoux el Burtaegne a-st ofrou li calvaire burton k' est a l' intrêye del cimintire. Tos les ans, å moes d' awousse-setimbe, on côp a Maissin, on côp a Anloe, Almands et Francès vnèt rinde omaedje a leus moirts.

Gn a la ene plake k' est scrîte e lingaedje burton.

[candjî] Tuzance walone

Ricwerances so les nos d' plaeces di Maissin : Marie-Thérèse Braun, Toponymie de la commune de Maissin, Memwere ULg, 1956.
Les accints do walon.
- Prumî viyaedje la k' les rwaitants di l' indicatif erirece si fjhèt avou -at (a Transene, c' est -èt).

A Maissin, cand i l' dijat, i l' fijat (A Maissin, cwand i l' dijhèt, i l' fijhèt).

- Li mot "ome" a come disfondowe oume (la eto, c' est l' prumî viyaedje, did la li spotaedje des djins, les-oumes => les Zoums.

[candjî] Hårdêyes divintrinnes

Ôtès fotos d' l' Aite militaire :

[candjî] Hårdêye difoûtrinne

Les batreyes di Maissin al guere di 14

Prin del pådje «http://wa.wikipedia.org../../../m/a/i/Maissin.html»