Molignêye
Èn årtike di Wikipedia.
L' aiwe di Molignêye (F. Molignée) c' est ene pitite aiwe di Walonreye ki s' tape dins Mouze a Antêye.
Molignêye n' a nén vormint on sourdant, mins purade sacwants, tos åtoû di Ståve, a kékes 200 metes di hôteur; totes ces ptits ris si radjondèt po fé l' aiwe di Molignêye.
L' aiwe n' est lomêye Molignêye k' a pårti d' Furnå, la ki l' ri Notru-Dame radjond l' aiwe di Floye. Li ri Notru-Dame a rçuvou pus timpe les aiwes di Terwagne. Et l' aiwe di Floye est insi lomêye a pårti di Biemrêye, mins dvant çoula on l' lome ri di Ståve (wice k' i passe). Li ri di Ståve riçujhe les aiwes do ri des Scluzeas, eyet do ri do Pré des Wés, ci dierin a lu-minme riçuvou les aiwes do ri do Seuli, eyet do ri del Fontinne åzès Clotches.
On côp totes ces aiwes agolêyes eshonne, eyet l' aiwe prindant l' no di Molignêye, ele continouw ene miete so Nonne, viè Ermeton-so-Bier wice k' ele riçût l' aiwe di Behoude. Poy Molignêye court viè l' Levant, et passer pa Maredret, Maredsou, Sôzoye, et Li Mårtea (hamtea d' Falayin). Did la, l' aiwe prind viè l' Nôress, tot fjhant des toûs et catoûs; riçure les aiwes di Flavion a hôteur des rwenes di Montaigue, poy passer pa Salet, Hôt-l'-Wastea, Warnin et al fén ariver a Anhêye, wice k' ele si tape dins Mouze.
