Redjon walone
Èn årtike di Wikipedia.
Li redjon walone, c' est l' no oficir des institucions ki goviernèt l' Walonreye po tot çou ki compete di l' economeye, et totes sôres d' ôtès sacwès, apus ki l' acsegnmint eyet l' culteure, ki sont moennés pal kiminålté Walonreye-Brussele (eyet l' kiminålté tîxhon-cåzante po les comenes avou l' almand come lingaedje oficir).
El Beldjike redjonålijheye, li redjon walone respond al redjon flaminde eyet l' Redjon Brusselwesse.
Ådvins |
[candjî] Politike linwistike
Li redjon walone a deus lingaedjes oficirs, li francès eyet l' almand, tchake dins s' redjon, såf po çou k' est des institucions, insi metans l' almand est oficir å pårlumint walon, wice k' i gn a des såles po des ratourneus.
Mins l' politike linwistike prôpmint dit ni compete nén å govienmint walon, mins åzès govienmint des kiminåltés; çou ki fwait ki les les lingaedjes do payis come li walon n' ont pont d' aspoya oficir.
- vey eto Walonreye linwistike
[candjî] Economeye
[candjî] Eploye
E 2003, gn aveut 96 åcint des eterprijhes k' avént moens di 50 djins. Ûtante-deus åcint avént moens di 10 djins. Gn aveut k' 680 societés k' eployént dipus d' 200 djins, metowes purade so Lidje et sol Hinnot. Cwarante-nouv djins so 100 estént eployîs (-eyes) dins des eterprijhes, 31 so 100 a l' Estat, et 20 so 100 estént a leu boûsse. Li Flande aveut, li minme anêye, bråmint moens di djins a l' Estat (20 åcint).
[candjî] Amontaedje d' eterprijhes
Si on louke li porcintaedje des amonteu(se)s d' eterprijhes eneviè li totå des bouteus dins les payis d' l' OCDE, on voet k' el Walorneye avou ses 3,6 djins so 100 k' ont amonté leu prôpe pordjet po wangnî leu crosse, est lon padrî des payis come les Estats-Unis (10,5), l' Irlande (9,1), k' ele est å cou d' l' Almagne (5,2) et des Bas-Payis (4,6), mins k' ele bate li France (3,2), li Flande (2,6), li Rûsseye (2,5) eyet l' Djapon (1,8).
[candjî] Tchômaedje
Li Walonreye a on pus gros porcintaedje di foû-posse kel Flande, mins elle a moens di tchômeu k' Brussele, dispu 1993.
