Roedeur des agneas
Èn årtike di Wikipedia.
Li roedeur des agneas (sincieuzmint : miyopateye des agneas), c' est ene maladeye ki s' voet, ezès sawantès coines, so bråmint des agneas d' ene samwinne a 3 moes, et ki rivneut tos ls ans.
Li rascråwé agnea ni sait pus tni so ses pates. I dvént tot cron do dos, pus toumer djus. Cwand il est coûtchî, i n' a pus l' air malåde.
Come i n' si sait pus lever po teter; i va malårder sacwants djoûs, pu crever. Si on l' poite disk' å pé del berbis, i tete di bon cour.
Cåzu l' minme maladeye si rescontere, dins les minmes payis, so les åmeas et les åmayes.
[candjî] Cåze del roedeur des agneas
On-z a trové diviè l' mitan do 20inme sieke kel maladeye esteut cåzêye pa on manke di seleniom dins les teréns ki les meres î waidiént.
Eto, si on médeye les berbis avou do selenite di sôde estant plinnes, on-z espaitche li maladeye di rascråwer les agneas.
[candjî] Sinonimeye dins les ôtes lingaedjes
- Francès : maladie du muscle blanc, maladie du raide, myopathie des agneaux, myopathie nutritionnelle, carence en sélénium.
- Inglès : Nutritional muscular dystrophy, Enzootic muscular dystrophy.
