Spot
Èn årtike di Wikipedia.
 |
Cisse pådje ci n' est co k' on djermon, dj' ô bén k' el pådje est co trop tene et s' divreut ele ecråxhî ene miete.
Si vos avoz des cnoxhances so ç' sudjet ci, vos nos ploz aidî, clitchîz sol loyén «candjî l' pådje» po radjouter des informåcions). |
Li spot, c' est ene coûte fråze ki dene ene luçon u ki fwait tuzer, et k' a stî foirdjî pa ene djin k' on n' kinoxh pus, et ki s' a spårdou tot seu dins on metou lingaedje.
On mete eto avou les spots les ratourneures.
Li spot est diferin del pinsêye k' est eto ene pitite fråze po fé tuzer, mins k' a stî scrîte d' ene kinoxhowe djin.
Gn a yeu sacwantès ramexhnêyes di spots e walon, li pus rlomêye, c' est l' cene da Dejardin. Dins les romans u ptits romans e walon, gn a sovint bråmint des spots, k' on dit ki ça ndè fwait l' valeur literaire.
