Tchåte di Cwargnon
Èn årtike di Wikipedia.
Li tchåte di Cwargnon, c' est l' tecse ideyolodjike k' a divnou l' soûmint do Pårti Ovrî Bedje (POB) po bråmint ds anêyes, eyet k' a stî rprin, pus tård, på Pårti Socialisse Bedje (PSB), ki replaeçrè l' POB.
Elle a stî scrîte bråmint pa Emile Vandervelde å Congrès d' Cwargnon e 1894. Li congrès s' åreut dvou fé a Mont, mins a cåze des disduts (avou des moirts) k' i gn ourit l' 17 d' avri 1893 (li wåde civike saetcha å fizik so les houyeus borins ki rclamént, po n' les nén leyî moussî dins l' veye), i fourit decidé di candjî l' plaece do congrès, eyet di fé l' 10inme congrès do POB a Cwargnon.
Li tchåte fourit adoptêye li 26 d' måss 1894, après deus djoûs d' discutaedje påzès federåcions do POB rapoûlêyes å congrès. Elle a bråmint des idêyes des grands filozofes, eyet mete, e 7 ponts, les aspiråcions di djustice, d' ewalisté, et d' afrankixhaedje po les ptites djins, dins on vicaedje nén capitalisse.
