Tchet
Èn årtike di Wikipedia.
Li tchet est ene pitite biesse ås tetes magneuse di tchå del famile des tchetidîs, e sincieus latén Catus domesticus, ki vike amon les djins eyet magnî des soris.
Les tchets pzèt inte 5 et 7 kg, end a des sôres avou des longous poys, ou avou des courts poys, et minme ene sôre sins poys. On pinse ki les vîs vîs tayons des tchets viként dins on payis d' dezerts, et les tchets d' enute ont ene dujhance ki rapinse li cene des biesses ki vikèt dins ces contrêyes la: i s' metèt voltî la wice k' i fwait tchôd et å solea, leus strons sont foirt setchs, i sont capåbes di dmorer sins bodjî on bon moumint, copurade cwand i sont-st a l' awaite.
Vey eto des spots et ratourneures so les tchets dins l' pårteye motî.
