Art Ramasasa
Tikang ha Wikipedia
Hi Arturo Pajarilla Ramasasa, nga kilalado ha ngaran nga Art Ramasasa usa nga Waraynon nga musikero ngan kompositor. Hiya an sinisiring nga Buta nga Maestro han Awit Waraynon tungod han iya pagkabuta ngan han iya abilidad ha musika komo magkaranta, kompositor, pagsista, pagtokar hin organ ngan pag-areglo hin musika. Nagtikang hiya pagin kompositor-nga-magkaranta ha edad nga 18. Nagrekord hiya para han kompanyiya nga Aquarius Records. Sugad kan Joseph Uy nagrekord gihapon hiya hin mga kuratsa, jota, aminudo, ngan iba pa nga mga musika hin sayaw ha Sinirangan nga Kabisay-an. An istilo han musika ni Art Ramasasa naiba han kan Joseph Uy tungod kay hi Joseph Uy, serioso an istilo samtang an istilo ni Art Ramasasa nagamit hin pagpatawa.
[igliwat] Diskograpiya
[igliwat] Mga Kanta
- An Giporlosanon
- Ikaw la an higugma-on ko
- Man Tomas
- Never Been Touched, Never Been Kissed (Mahamis an Iya Kutis)
- Lajuta Segunda
- Hi Ana (nagamit han tunog han Oh Carol ni Neil Sedaka)
- Mano Joe ug Iday Leleng
- Kuratsa Mayor
- Ismayling
[igliwat] Mga Reperensya
- Catbalogan: Cradle of Recording Artists ni Doms Pagliawan
- Leyte-Samar Daily Express nga barasahon nga naghahatag hin gamay nga impormasyon mahitungod kan Art Ramasasa
 |
Ini nga artikulo stub. Puyde ka makabulig hit Wikipedia pinaagi hit pagdugang hin detalye dinhi. |
