入唐求法巡礼行记

来自吴语维基百科

入唐求法巡礼行记，是日本和尚圆仁入唐求法巡礼过程当中用汉文写个一部日记体著作。

内容

1 著作介绍
2 传播过程
3 外部链接
4 相关条目

[编辑] 著作介绍

全书从唐文宗开成三年六月十三号（公元838年7月2号）开始写起，从日本博多湾登船出发，一直写到唐宣宗大中元年十二月十四号（公元848年1月23号）从中国回转日本博多，前后历时九年七个月。全书虽然弗是逐日记载，但是基本浪按日脚分列，一龙总597篇（也有人认为是595篇），总计八万多字，分为四卷。

[编辑] 传播过程

圆仁《入唐求法巡礼行记》手泽本原藏京都延历寺，失传已久。但是《入唐求法巡礼行记》写成之后，曾经广为流传。关于《入唐求法巡礼行记》一书个文献记载，最早要算《慈觉大师传》，《慈觉大师传》写勒垃圆仁和尚示寂后49年，《慈觉大师传》里向明确写明：“入唐事迹，一依本记”。另外，宋神宗熙宁五年（公元1072年）来中国个日本僧人成寻个《参天台五台山记》，成寻勒“延久四年十月十四日”搿篇记载向宋神宗献礼品辰光，讲：“觉大师巡礼记三卷依次进上，至巡礼记第四卷隐藏不进上，依思会昌天子恶事也。”由此可见，《入唐求法巡礼行记》当时是作为国礼送个，而且成书之初即为四卷。（成寻之所以囥脱第四卷，是因为第四卷中涉及唐武宗“会昌排佛”个恶事，里向交关愤恨之辞。）后来一直到镰仓幕府时期（公元1192-1333年）《入唐求法巡礼行记》个抄本仍勒僧俗间流传。但此后长达五个多世纪里向呒得生息。明治十六年（公元1883年）以后，三上参次博士等勒调查京都东寺观智院所藏文献个辰光，重新发现勒伏见天皇正应四年（公元1291年）长乐寺老僧手抄个《入唐求法巡礼行记》古抄本。搿一发现震动日本朝野，明治三十六年（公元1903年），作为留存秘库个该书个最古抄本，《入唐求法巡礼行记》拨尊为国宝。大正七年（公元1918年），该书拨收进佛教刊行会出版个《大日本佛教全书》之《游方传丛书》当中。