岱山县
来自 吴语维基百科
内容 |
[编辑] 概况
- 岱山(本地闲话[dɛ][sɛ])县属于浙江省舟山市，位置来勒浙江省东北方向个东海洋面上舟山群岛的中间部位。全县以岱山岛为中心，东向是大、小长涂山，南向是秀山，西向是渔山列岛，北面是衢山岛。合总大小岛屿404个，其中有人庉个11个，包括岱山本岛、大衢山、小长涂山、秀山、大长涂山、大渔山、江南山、小衢山、大峧山、官山、下三星。小峧山、黄泽山、大西寨格当咸早也有人庉，刚即已经统邅了别采勒。
- 全县陆地面积有搭326.5平方公里，其中57.4平方公里是潮间带滩涂，海域面积4916平方公里。岱山本岛顶大，面积119.3平方公里，其次是大衢山，面积73.6平方公里。县政府来勒岱山本岛个高亭。
- 目前人口大约21万，由于交通勿方便，本地人口外出严重，同时外省人口邅进个也蛮多。
[编辑] 沿革
- 考古历史大约摸有四、五千年前。春秋战国时期是越国甬东地，根据《史记》里向写该，秦始皇派徐福带数千童男童女下东海寻长生不老药，曾到过“三神山”之一的蓬莱山，岱山县认为，该里个蓬莱山，就是今末个岱山（20集电视连续剧《徐福东渡传奇》个一半外景来岱山拍的个）。
- 隋朝时属于会稽郡句章县，唐开元年间，岱山即被命为“蓬莱乡”，故此为之，岱山自古讴勒“蓬莱仙岛”。唐朝开元廿六年（公元738年）后,相继属于翁山县、鄮县、鄞县、昌国县、昌国州、定海直隶厅、定海县。
- 中华民国三八年（1949年）8月，定海县北向各个岛屿分出，设立滃洲县，县政府来勒高亭。1950年5月19日滃洲县解放同时县政府撤消，重新拨定海县，设立岱山区、衢山区。1953年4月岱山县（县治东沙，1955年邅勒高亭）成立。1958年岱山县撤消，并拨定海县（名字为舟山县）。1962年，岱山县恢复，同时大衢县（县治岛斗）也设立，1964年大衢县撤消，大衢山格当岛屿划拨岱山县，大洋山、小洋山格当划拨嵊泗县。
[编辑] 行政区划
本岛：
- 高亭镇：
- 镇区内城镇社区：沙涂社区、安澜社区、蓬莱社区、兰亭社区、闸口社区、育才社区、嘉和社区；
- 镇区边缘乡村社区：高亭一村、高亭二村、大岙一村、大岙二村、闸口一村、闸口二村、东海村、山外村、小蒲门村、大蒲门村、山外农业经济合作社
- 离岛社区：江南村、官山村、大峧山村（后头两村大多数居民已经邅了本岛）、渔山社区
- 镇区外乡村社区：石马岙社区、枫树社区、机场社区、浪激渚社区、南峰社区
- 东沙镇：司基社区、东沙社区、泥峙社区、桥头社区
- 岱东镇：沙洋社区、龙头社区、涂口社区、北峰社区、虎斗社区
- 岱西镇：青黑社区、摇星社区、海山社区、仇家门社区、双合社区
离岛：
- 衢山镇：岛斗社区、幸福社区、枕头山社区、太平社区、皇坟社区、高涂社区、桂花社区、龙潭社区、四平社区、沙龙社区、万良社区、鼠浪社区（鼠浪社区来搭鼠浪湖岛，其余统来大衢山）
- 长涂镇：倭井潭社区、长西社区（该两社区来勒小长涂山）、港南社区、东剑社区（该两社区来勒大长涂山）
- 秀山乡：秀北社区、秀南社区、秀东社区
[编辑] 风景
- 岱山岛风景名胜区 位置来勒岱山县里向，搭定海七海里，搭普陀山十七海里，风景点主要分布勒岱山本岛、秀山岛、衢山岛、长途岛。岱山岛古早讴蓬莱仙境，有搭蒲门晓日、石壁残照、鹿栏晴沙、南浦归晚、石桥春涨、鱼山蜃楼、横街鱼市、巨港渔火、竹屿怒涛、白峰积雪十景，是为“蓬莱十景”。摩星山顶，整个海上千岛景观统好看见。整个风景区三百米以上个沙滩有十处，其中鹿栏沙滩（后沙洋）三千六百米长，为全省之最。岸壑奇特，岛屿林立，沙滩细腻，气候宜人，是一处较关赞个海岛型风景名胜区。1991年5月3号，被批准为浙江省第二批省级风景名胜区。
[编辑] 风俗
[编辑] 宗教
[编辑] 佛教
- 寺院
- 慈云禅寺。来勒磨心山顶，清朝开始建设。
- 超果禅寺。五代辰光开始建设。乌塞来勒岱东镇。
- 义火禅寺。乌塞来勒高亭镇南面山顶，搭磨心山ka贴对头。
[编辑] 基督教
- 教堂
- 衢山桂花教堂。民国17年建设，解放进被占用，1986年重新开放。
- 岱山东沙教堂。抗日战争头起建设，解放进被占用，1988年拆造，开放。
- 衢山哈吧山福音堂。衢山基督教活动个中心。
[编辑] 天主教
[编辑] 人物
- 金维映（1904-1941）。高亭镇人，红军烈士。
本名金爱卿。1904年出生勒高亭，是红一方面军参加长征个30位女红军之一。14岁跟了其阿爹邅了定海。1931年搭邓小平噶做队搭中央苏区工作，1932年1月担任胜利县县委书记，随后搭邓小平噶结婚，小人生一个，就是邓楠。1934年搭李维汉噶结婚，小人也生了一个，就是李铁映。后来到苏联治病学习，1941年参加苏联反法西斯战争，罪过牺牲。
- 张阿英（1914-1991）。长涂镇倭井潭人，老大。
后生辰光当运输船老大，来江、浙沿海一带装货做生意。1948年10月底，张阿英勒船来江阴装货辰光，解放军二十三军长江工委留守处柳铭江来船勒，搭其拉宣传革命，请其拉运兵。1949年4月20日昼过，渡江战役开始，江阴运送第一批解放军过长江个船里厢，张阿英船第一只靠拢。1949年5月苏北第一渡江部队召开万人庆功大会，张阿英船被评为支前特等“功臣船”，其个人也荣获中国人民解放军苏北第一渡江司令部、政治部颁发个支前特等功勋章。1987年，被评为省拥军优属先进个人。“八一”建军节六十周年作为特邀代表参加北京召开的全军英模代表会议（因病呒没参加），荣获英模荣誉证书搭“八一”荣誉勋章。1991年12月1日，张阿英因病久治无效过老，舟山日报12月17日第一版刊载“渡江战役第一船老艄公——张阿英老大逝世”的消息。
- 林如良（1923─1971）。高亭镇南峰人，老大，村干部。
南峰渔民协会主任、大队党总支副书记。1956年试验流网翻背对、流网翻大对作业成功，来吕泗渔场抛碇作业开辟新渔场。其发明一船带双副渔具、捕多种鱼类对溜兼捕作业，变春冬两汛生产为常年生产。1958年代表南峰渔业大队参加全国农业先进集体代表大会，县政府奖拨其楼屋2幢，其以“生产该搞、楼房不要”反其。1966年，参加全国农村群众科学实验运动交流会。1969年冬汛，主动搭老爷船当老大，创造高产奇迹。林如良当书记之前，南峰渔业队群众民风剽悍，远近闻名，林如良带领群众认真生产，建设社会主义。同时还打击海盗，当时南峰渔业大队打击海盗个船舶一直开勒台湾海峡。
[编辑] 历任县长
- 萧政之，湖北省汉阳县（今武汉市蔡甸区）人，1949年8月滃洲县成立后，为滃洲县县长兼海军岱长巡防处处长。后头跟了国民政府撤了台湾，获赠中将军衔，担任国防部总政战部执行官等职务。后来创办台湾中华电视台、北美卫星电视等。
- 沈 旺（代，1995.11～1996.03）
- 沈 旺（1996.03～2001.06）
- 孙旭军（2001.06～2004.12，包括代），2006.9因受贿罪、滥用职权罪被判刑六年六个月。
- 王 伟（代，2004.12～2005.03）
- 王 伟（2005.03～ ）
