Ben Viljoen
vanuit Wikipedia, die vrye ensiklopedie.
| Persoondata | |
|---|---|
| NAAM | Viljoen, Ben, Generaal |
| ALTERNATIEWE NAME | |
| KORT BESKRYWING | Generaal tydens die Tweede Vryheidsoorlog |
| GEBOORTEDATUM | 7 September 1869 |
| GEBOORTEPLEK | Plaas Varkiesdraai, Distrik Wodehouse, Kaapkolonie |
| STERFDATUM | 14 Januarie 1917 |
| STERFPLEK | La Mesa, VSA |
Generaal Ben Viljoen is op 7 September 1869 op die plaas Varkiesdraai, distrik Wodehouse in die Kaapkolonie gebore.
Hy het in 1890 na Johannesburg verhuis. In 1896 het hy die Krugersdorpse Vrywilligerskorps gestig en saam met hulle die Jameson-invallers en ander swart kapteinskappe teen gestaan.
Hy was ook Krugersdorp se lid in die Volksraad en het Paul Kruger teengestaan oor sy siening aangaande die uitlandergeskil.
[wysig] Tweede Vryheidsoorlog
Met die uitbreek van die Tweede Vryheidsoorlog het en sy korps eerstens diens gedoen in Natal, maar toe die front afbreek het hy hom aangesluit by die ander Boere om die opmars van die Britte na Pretoria te stuit. Met die einde van die konvensionele fase van die oorlog het hy 'n mag aangevoer saamgestel uit mense van Johannesburg, Kugersdorp en Boksburg in die Noord- en Oos-Transvaal. Hy was uiters suksesvol en is in November 1900 as assistent kommandant-geeneraal aangestel, die naas hoogste rang in die boeremagte. Hy is uiteindlik gevange geneem in lokval op 25 Januarie 1902 op Lydenburg.
Vanaf Januarie tot Mei 1902 was hy 'n gevangenis op Sint Helena waartydens hy sy biografie "My Reminiscences of the Anglo-Boer War" geskryf het. Anders as die ander boere generaals was hy nie 'n grondeienaar nie en het hy gesukkel met sy terugkeer na Suid-Afrika. Hy het ook geweier om Britse burgerskap te aanvaar wat dit vir hom onmoontlik gemaak het om 'n openbare loopbaan te hê.
[wysig] VSA
Viljoen het hom in Januarie 1903 in die VSA gevestig. Sy vrou het egter geweier om Suid-Afrika te verlaat. Hulle is toe van mekaar geskei, maar hy het later weer getrou. Hy is Amerikaanse burgerskap aangebied en het president Theodore Roosevelt in die Wit Huis ontmoet. Hy het probeer om 'n boere nedersetting in die noorde van Meksiko te stig, maar dit het nie gewerk nie.
Daarna het hy terug gekeer na die VSA en hom gevestig naby La Mesa in die staat New Mexiko. Hy het Amerikaanse burgerskap aanvaar en in plaaslike politiek betrokke geraaak. Hy was betrokke tydens die besprekings van 1912 waarna New Mexiko die 47ste staat geword het van die VSA. Tot en met sy aftrede in 1913 was hy vir 'n kort rukkie die Konsul in Duitsland asook die militêre adviseur vir die Mexikaanse revolusioner, Francisco Madero wat in 1913 in 'n teenrewolusie dood is. Hy is op 14 Januarie 1917 op sy plaas naby La Mesa oorlede.
[wysig] Verwysings
- Military History Journal - Vol 9 No 2, 'GOD EN DIE MAUSER' Ben Viljoen - die vergete Boeregeneraal deur M S Coghlan (Natalse Provinsiale Museumdiens)
