Dubbelriet
vanuit Wikipedia, die vrye ensiklopedie.
Die dubbelriet is die mondstuk van sekere blaasinstrumente en van alle houtblaasinstrumente in die hobofamilie. Dit bestaan uit twee riete wat met 'n nou openinkie van mekaar geskei is en teen mekaar vibreer wanneer daarop geblaas word. Dit word van gesnyde stukkies Arundo-riete gemaak deur die punte te skraap totdat die verlangde klank voortgebring kan word.
'n Voorbeeld van 'n instrument wat ook met 'n dubbelriet bespeel word, maar nie verwant is aan die hobo nie, is die doedelsak.
