George Lincoln Rockwell
vanuit Wikipedia, die vrye ensiklopedie.
George Lincoln Rockwell (9 Maart 1918 – 25 Augustus 1967) was die stigter en leier van die Amerikaanse Naziparty en moontlik een van die mees berugte Amerikaanse neo-Nazileiers.
Inhoud |
[wysig] Vroeë lewe
Rockwell is gebore in Bloomington, Illinois met sy pa (George Lovejoy Rockwell) van Engelse-Skotse herkoms en sy ma (Claire Schade Rockwell) van Duits – Franse heskoms. Rockwell word groot met geskeide ouers, beide was bekende vaudeville komediante en akteurs, van wie hy sy vaardighede vir openbare redevoering en die hantering van massas aangeleer het. Hy studeer aan die Hebron-akademie in Lewiston, Maine. Nadat hy sy studies opgeskop het aan die Brown-universiteit, sluit hy aan by die Amerikaanse vloot waar hy deur die Tweede Wêreldoorlog gedien het.
[wysig] Politiek
Rockwell het na radiouitsendings van Joseph McCarthy geluister en het Douglas MacArthur se nominasie as die Republikeinse kandidaat vir President van die Verenigde State gesteun. Hy woon 'n Gerald L.K. Smith-byeenkoms by en lees Common Sense-koerant waardeur hy kennis maak met die sogenaamde Joodse vraagstuk. Hy lees Mein Kampf en word daarna 'n ondersteuner van die Nasionale Sosialistiese ideologie. In 1952 word hy verplaas na die Amerikaansemarinelugbasis in Keflavik, Ysland, waar hy sy tweede eggenote ontmoet (Thora Hallgrimson), en bring sy wittebroodsdae deur in Berchtesgaden. Op 8 Maart 1959, stig hy die Amerikaanse Naziparty. Hy was onder andere dié party se goewerneurskap kandidaat vir Virginië in 1965.
George Rockwell het ook gepoog om 'n konserwatiewe koerant te stig met die doel om die wat hy noem "versplinterde en strydende regsgesindes in 'n samehangende en effektiewe organisasie" saam te snoer.
[wysig] Sluipmoord
Op 12:20 n.m. 25 Augustus 1967 word Rockwell met twee skote doodgeskiet in Washigton D.C. Kort na die skote word die nege-en–twintigjarige John Patler gearesteer en aangekla vir Rockwell se moord. Patler wat sy naam wetiglik verander het van John C. Patsalos, was 'n voormalige leier van die Amerikaanse Naziparty en Rockwell se redakteur van die party se nuusbrief "The Stormtrooper". Hy het meeste van die artikels in die nuusbrief self geskryf. Sommige individue het selfs Patler beskou as die medestigter van dié party saam met Rockwell. In die eerste uitgawe van Rockwell se outobiografie "This Time the World" verskyn 'n foto van Patler met 'n partyvlag; wat in latere uitgawes uitgehaal is.
Na die moord het Matt Koehl verslaggewers ingelig dat Patler uit die party geskop is April 1967 as gevolg van sy "Bolsjewistiese neigings". Die hoof beskuldiging teen hom was dat hy Marxistiese propaganda in die nuusbrief "The Stormtrooper" ingesluit het.
Verskeie individue het van Rockwell se party weggebreek om "The White Party" te vorm slegs enkele maande voor die sluipmoord. Dié individue het volgehou dat Patler onskuldig is. John Patler word veroordeel tot 20 jaar tronkstraf vir die moord op George Lincoln Rockwell in Desember 1967.
Rockwell se begrafnis is gehou op 30 Augustus 1967 maar die Pentagon het sy ter aarde bestelling in die Nasionale Begrafplaas Culpepper verbied omdat sy volgelige nie hulle swastika gebosseleerde armbande wou afhaal voor hul die bergrafnisgronde betree het nie. Sy oorskot was teruggeneem na die hookkantoor van die Amerikaanse Naziparty in Arlington waar hy veras is tydens 'n geheime Nazibegrafnis op 31 Augustus 1967.
[wysig] Werke
- In Hoc Signo Vinces, 'n politieke manifes (World Union of Free Enterprise National Socialists, 1960)
- How to get out or stay out of the insane asylum, vertel sy wedervaringe nadat hy veroordeel word tot 'n periode van dertig dae vir psigiatriese waarneming (American Nazi Party, 1960)
- This Time The World, sy outobiografie (geskryf 1960; White Power Publications, 1979; Liberty Bell Publications, 2004, ISBN 1593640145).
- White Power (geskryf 1967; John McLaughlin, 1996, ISBN 0965649288)
[wysig] Verwysings
- Hate: George Lincoln Rockwell and the American Nazi Party deur William H. Schmaltz (Brasseys, Inc., 2001, ISBN 1574882627).
- American Fuehrer: George Lincoln Rockwell and the American Nazi Party deur Frederick James Simonelli (University of Illinois Press, 1999, ISBN 0252022858).
- Siege: The Collected Writings of James Mason deur James Mason (Aanhangsel III bevat Mason se "George Lincoln Rockwell: A Sketch of His Life and Career"; ingelei deur Ryan Schuster, Black Sun Publications, ISBN 0972440801)
- "Rockwell, U.S. Nazi, Slain; Ex-Aide is Held as Sniper", Graham, Fred P., New York Times, Saterdag, 26 Augustus 1967, bladsye 1, 14.
- "Rockwell Burial Causes A Dispute", New York Times, Sondag, 27 Augustus 1967, bladsy 28.
