Karasburg
vanuit Wikipedia, die vrye ensiklopedie.
Karasburg is 'n dorpie in die suide van Namibië in die administratiewe distrik Karas, 728 km suid van die hoofstad, Windhoek, 51 km noord van Warmbad, Namibië en 107 km noordwes van Onseepkans in die Noord-Kaap. Dit is die handels- en administratiewe sentrum van die karakoelpelsbedryf.
[wysig] Geskiedenis
Die plek was aan die Namas bekend as Nomsoros, maar die latere naam Kalkfontein-Suid is in 1939 na Karasburg verander om verwarring met Kalkfontein te vermy. Dit het dorpstatus in 1938 verkry, ‘n dorpsbestuursraad in 1939 gekry en uiteindelik ‘n dorpsraad in 1947. Die gemeente van die NG Kerk is in 1952 gestig, maar het sedert onafhanklikheidwording in 1989 met meer as die helfte belydende lidmate afgeneem tot nagenoeg 200 in 2006. Die totale bevolking het egter van 4 602 in 1990 tot ‘n geskatte 6 142 in 2006 toegeneem.
[wysig] Bronnelys
- Raper, P.E., Dictionary of South African Place Names, Lowry Publishers, Johannesburg, 1987.
- Mayhew, Vic (red.), Illustrated Guide to Southern Africa, Reader's Digest, Kaapstad, 1980.
- Symington, Johann (hoofred.), Jaarboek van die NG Kerke 2006, Tydskriftemaatskappy, Wellington, 2005.
