Basler Läckerli

Us der alemannische Wikipedia, der freie Dialäkt-Enzyklopedy

Basler Läckerli

de Daig, früsch aagschnitte

d'Zuckerglasur git des beruehmti Wolkemuschter

Basler Läckerli sin öbbis ähnlichs wie Läbkueche. Si werde unter anderem mit Honig, kandierte Frücht ud Nussete gmacht. Di bachene Läckerli werde erscht mit Zuckerglasur iigschtriche un denn in kleini, rächteckigi Schtuck gschnitte.

Ihre Name hen si vo de Schtadt Basel wo si erfunde worde sin un hüt no gmacht wärde.

[ändere] Gschicht

Urschprünglich kömme d'Läckerli vo de Läbkuechebecke ussem Imbergässli in de Basler Inneschtadt. Wo de Konzil vo Basel gsi isch (1431–1449) het me für selli gege 300 versammlete Kirchefürscht öbbis zuem schneugge gsuecht. Will de Läbkueche für selli wohl z'bescheide war hen d'Läbkuecher - wie me di Becke dörtmols gnennt het - e edleri Variante gschaffe.

De Begriff "Basler Läckerli" isch zuem erschte mol im Johr 1720 ufftaucht.

Hüt kriegt me d'Läckerli z'Basel im "Läckerli Huus". S'Läckerli Huus isch näbe'm bekannte Lade in de Gerbergass e Firma wo d'Balser Läckerli herschtelle un vertriibe duet. Si ghört zue de Dalasta Holding AG, e Schwiizer Firma wo verschiedeni regionali Schpezialitäte produziert un vertriibt. Zuem 1. Januar 2007 isch es Läckerli Huus zämme mit de Unternähmensgruppe an d'Miriam Blocher verkauft worde, d'Fuehrig vom Unternähme het sich nümmi innerhalb vo de Familie regle lo ^[1].

[ändere] Schriibwiis

Will de Name e Eigewort ussem Dialäkt isch, cha me kei korrekti Schriibwiis feschtmache. "Basler Läggerli" kunnt de Basler Usschproch am nöchschte.

De Dude schriibt "Baseler Leckerli" als di richtigi dütschi Schriibwiis vor, wobie die hochdütschi Schriibwiis "Baseler" - mit em zuesätzliche e - in de Schwiiz verpönt isch. Als Iidütschig un in de andere Kanton wird sellewäg vo "Basler Leckerli" gschriebe.

Di erschti Erwähnig 1720 lutet "Basler Läckerli". Au d'Basler Zittig schriibt e so.

[ändere] Varia

Im subkulturelle Schprochgebruuch werde di typischerwiis rächteckige Dosiseinheite vom LSD au so gnennt. Sell bezieht sich druff, dass d'Erfindig vo de Subschtanz im Johr 1943 vom Chemiker Dr. Albert Hofmann z'Basel im Labor vo de Firma Sandoz gmacht worde isch.