Bund von Brunnen
Us der alemannische Wikipedia, der freie Dialäkt-Enzyklopedy
Nach de Schlacht am Morgarte, won für die alte Eidgenosse erfolgriich gsi isch, händ sich d Verträter vo de vier Kantön Uri, Schwyz, Ob- und Nidwalde z Brunne troffe und de alti Bund, wo si schomal aafangs Augschte 1291 erneuerte gha händ, neu z bestäätige. Das isch am 9. Dezämber 1315 gsi.
De alti Bund, wo de Legände naa uf em Rüütli schwoore worden isch, häd de Schriiber, vermuetli de Lüütprieschter vo Altdorf, uf latinischer Sprache gschribe gha. Jetzt aber, das isch es Novum in de Schwiizer Geschicht, isch de nöi Bundesbrief uf tüütsch geschribe worde. Wiso si sich grad z Brunne troffe händ isch nöd klar. Waarschindli wil me mit em Schiff vo allne Kantön gäbig det anechunt.
