Eragon
Us der alemannische Wikipedia, der freie Dialäkt-Enzyklopedy
 |
Dialäkt: Bärndütsch |
Dr Eragon isch d houptfigur vo de Büecher vom Christopher Paolini, ämnä Amerikanische Schriftschteuer. Die Büecher gits uf Hochdütsch bim cbj Verlag.
Inhaltsverzeichnis |
[ändere] Handlig
Das Vermächtnis der Drachenreiter
Der Eragon läbt mit sim Onku Garrow und däm si Sohn Roran am rand vom Dörfli Carvahall, das ligt ds Alagaësia. Eines Tages, wo dr Eragon widereinisch ufter Jagt im Buckel, ämnä Gebirgszug, isch, erschiint plötzlech mitemne Knau e schöne, glänzende schtei vor im. Wüetend, wiu vom Knau aues Wiud wäggrent isch, nimmt dr Eragon dä Schtei mit itz dorf, filech chaner dä ja gägä Gäut tusche. Doch d Händler im Dorf hei no nie so öppis gse. Miz ir nacht schlüpft de us däm Schtei ä wuderschöne blaue Drache. Wone dr Eragon berüert, fangt sini Handflächi merkwürdig afa z Lüchte, es isch d Gedwëy Ignasia, di siubrigi Hand, wose zu Drache und Riter macht. Är nenntse Saphira. Früecher si Dracheriter zueschtändig für Rächt und Ordnig gsi, aber die zite sie längscht verbi. Aus nöi Dracheriter bedrohesi itze dr Galbatorix, säuber Dracheriter, dr grausam Herrscher vo Alagaësia. Dä isch nume at Macht cho, wiuer aui andere Dracheriter umbracht het. Eines Tages touche d Ra`zac, grausami Scherge vom Chünig, z Carvahall uf und schteue Frage nachem Dracheei. Si töte dr Garrow, dr Eragon und dr Roran chöme mitem Läbe derfo. Dr Eragon beschliesst de Ra`zac z fouge und si Onku z räche. Dr Brom, ä Gschichteverzeuer, chunt äbefaus mit. Är lerntne ungerwägs fiu übere Schwärtkampf und über Magie. So faat es ungloublechs Abetüür aa...
Der Auftrag des Ältesten
Im zwöite Teil geit dr Eragon mit dr Saphira, em Orik und dr Arya nach Du Weldenvarden, äm Verschteck vo de Elfen, um sini usbiudig aus Dracheriter z beände. D zyt drängt, die Mächtige vo Alagaësia ringe um jede Meter...
[ändere] Charakter
[ändere] Eragon
- Dr Eragon isch d Houptperson vor Gschicht. Är isch 16 Jahr aut, und läbt mit sim Onku Garrow und sim Cusä Roran am rand vo Carvahall, bis si Onku fo Scherge vom Chünig umbracht wird. Är wotsech räche und nimmt mitem Brom und dr Saphira d spure vo de Scherge uuf...
[ändere] Saphira
- D Saphira isch ä Drachedame und am Eragon sini Fründin und Begleiterin. Si isch am Eragon immer Tröi ergäbe und würdne nie im Schtich la. Si isch Tochter vor Vervada.
[ändere] Brom
- Dr Brom isch aus Gschichteverzeuer us Carvahall cho. Är het dr Eragon verwütscht, winer het weue d Ra`zac verfouge und het druf Beschtande, mitzchoo. Är schänkt am Eragon z Schwärt Zar`roc und lertne viu über d Magie und de Schwärtkampf. Dr Brom entschtammt ärnä Buechmalerfamilie vo Kuasta, das isch äs chlises Dörfli mit sonderbare Brüüch und aberglöibische Vorschtelige. Si Vatter het Holcomb und sini Muetter Nelda gheisse. Später heter im Kampf drü Abtrünnigi Dracheriter, drunger dr Morzan, tötet. är isch Früächer ou ä Drachäritter gsi und het dä Vardä ghufä es Drachenei tstälä das vor Saphira.
[ändere] Galbatorix
- Dr Galbatorix isch dr grausam Herrscher vo Alagaësia. Wo si erscht Drache vo Urgals tötet worde isch, heter de andere Riter d schuud gää und het ä Autvordere tötet. Är hetsech Jahrelang vo de andere Dracheriter verschteckt, bissine nümme hei Gsuecht. Per zuefau hetter dr Dracherier Morzan troffe, woner het chönne für sich überzuge. Mit däm sire Hiuf heisi dr schwarz Drache Shruikan gstole und si ane Ort gflohe, wosech die andere Drache nid häregwagt hei. Dr Galbatorix het am Morzan verboteni Magie bibracht. Woner d usbiudig fertig und si Drache usgwachse isch gsi, heisisech dr Öffentlechkeit zeigt und hei jede Dracheriter tötet, wone isch begägnet. 13 Riter heisech am Galbatorix aagschlosse. Die andere Dracheriter si am Aaschturm nid gwachse gsi. Siter dr Aafüerer vo de Riter, dr Vrael, enthouptet het, ischer ar Macht.
[ändere] Orik
- Dr Orik isch e Zwärg, und Adobtivsuun vom Hrothgar, äm Zwärgechünig, wiu sini Eutere a Pockefieber si gschtorbe. Är ghört zum Clan vo de Dûrgrimst Ingietum und isch dr Zwärgefrou Hvedra verschproche. Är isch eine vo de Fründe vom Eragon und begleitetne zäme mit de Arya zu de Elfen.
[ändere] Oromis
- Dr Oromis isch am Eragon si Lehrer z Du Weldenvarden. Är isch ir Elfenstadt Luthivíra gebore, am Ufer vom Tüdosten. Mit 20 heisine zu de Dracheeier gfüert, und dr Glaedr hetne gwäut und isch gschlüpft. Später ischer Lehrer z Ilirea, bis dr Galbatorix aues kabutt gmacht het. Zäme mitem Gleader dueter dr Eragon i aune mügleche Bereiche usbiude.
[ändere] Schtiuu
Das Buech isch es Tüpischs Fanasy-Buech mit Ritter, Drache, böse Urgals, Magie u.a.
Der Auftrag des Ältesten, Site 660: Das finstere Meer wogte unter der Drachenschwinge auf und ab und trug das Schiff zum nächsten schäumenden Wellenkamm empor. Dort verharrte es einen Moment lang schaukelnd, um anschliessend wieder in den dahinter liegenden Meeresschlund hinabzustürzen. Weisse Gischtwolken sprühten durch die Luft, während der Wind stöhnte und heulte wie ein gespenstisches Ungeheuer.
Dr Christopher Paolini versuecht immer wider, d Umgäbig am Läser gnauschtens z vermittle. Auerdings erkennt dr Herr vo de Ringe -kenner einigi sache wider, wie zischendi, brutali Urgals oder dr gheimnissvou aut Brom mit vorliebi fürs Rouchringe mache.
Wenns scho mit Herr vo de Ringe vergliche wirt, sötme säge, dass sech dr Schtiuu völlig vom däm vom Tolkien ungerscheidet. Eragon isch a einige schteue miterne "flache" Sprach gschribe, was vilicht dra ligt, dass der Autor ersch 15 isch gsi, woner het aagfange.
[ändere] Uusblick
2006 sötti ds dritte Buech erschine. Usserdäm duet 20th Century Fox dr Eragon verfiume, är sötti am 14.12.06 usecho. Dräiort isch Ungarn.
[ändere] Autor
Am Christopher Paolini sini Liideschaft für Fantasy und Science Fiction heine für Eragon - Das Vermächtnis der Drachenreiter inschpiriert, woner mit 15 gschribe het. Är isch deheim vo sire Muetter ungerrichtet worde. Hüt ischer 22 Jahr aut.
[ändere] Medie
[ändere] Büecher
- Eragon, Hardcover-Ausgabe, Englisch: Knopf - ISBN 0375826688
- Eldest, Hardcover-Ausgabe, Englisch: Knopf - ISBN 037583670
- Eragon - Das Vermächtnis der Drachenreiter - Hardcover-Ausgabe: cbj - ISBN 3570128032
- Eragon - Der Auftrag des Ältesten - Hardcover-Ausgabe: cbj - ISBN 3570128040
- Eragon - Das Vermächtnis der Drachenreiter TB-Ausgabe blanvalet - ISBN 3442362911
[ändere] Hörbüecher
- MC-Ausgabe, Englisch: Random House - ISBN 0807219622
- 8-CD-Ausgabe, Englisch: Random House - ISBN 1856868311
