Furtwangen

Us der alemannische Wikipedia, der freie Dialäkt-Enzyklopedy

Wappe	Kart

Basisdate
Bundesland:	Bade-Württeberg
Regierungsbezirk:	Friburg
Kreis:	Schwarzwald-Baar-Kreis
Geographischi Lag:	48° 03' N, 08° 13' O
Höchi:	850 - 1150 m y. NN
Flächi:	82,57 km²
Iwohner:	9673 (31. Dez. 2004)
Bevölkrigsdichti:	117 Iwohner je km²
Usländeradeil:	11,4 %
Postleitzahle:	78113 - 78120
Vorwahl:	07723
Nummereschild:	VS
Gmeischlüssel:	08 3 26 017
Stadtgliederung:	4 Stadtteile
Adress vu dr Stadtverwaltig:	Marktplatz 4 78120 Furtwangen im Schwarzwald
Internetuftritt:	furtwangen.de
E-Mail-Adress:	stadt@furtwangen.de
Politik
Vogt:	Richard Krieg (CDU)

Furtwangen vom Meisterberg aus aufgenommen

Furtwange im Schwarzwald isch e ditschi Hochschuel-Stadt im Schwarzwald im Bundesland Bade-Württeberg.

Inhaltsverzeichnis

1 Geographi
2 Gschichte
3 Religione
4 Öffentlichi Irichtige
- 4.1 Bildigsirichtige
5 Städtpartnerschafte
6 Entwicklig vum Stadtgebit
- 6.1 Igmeindige
- 6.2 Iwohnerentwicklig
7 Kultur un Aluegenswürdigkeite
8 Suschtigs
9 Wirtschaft un Infrastruktur
10 Webgleicher

[ändere] Geographi

Furtwange lit im mittlere Schwarzwald, ungfähr 27 km östlich vun Friburg.

Furtwange lit uffere Höchi zwische 850 m un 1.148 m überem Meer un isch so d'högscht-glägini Stadt in Bade-Württeberg un hinder Oberwiesenthal d'zweithöchschti Stadt in Ditschland.

Die Stadt lit innere molerischi Landschaft an de Krizung vun drei Däler, drumrum sin Bärg mit dichte Wälder. De „staatlich anerkannte Luftkurort“ (Des gilt eigentlich nur für de Teilort Neikirch) isch industriell prägt, isch aber au wichtig zum Wandere oder für de Wintersport grad für d'Kurgäschd. Bsunders wichtig isch au d'Fachhochschuel mit ebbis um 3500 Studente, dodevu 2400 am Standort Furtwange.

Uffem Brend, em Husberg vu Furtwange, isch d'Quell vun dr Bräg. Die isch de längschde Quellfluss vun dr Donau un fliesst in Donaueschinge mit dr Brigach zämme. Dorum beasprucht Furtwange im änder lustige Stritt um d'Donauquell dr Ursprung vun dr Donau für sich, e Quelle vun de Donau gitts nit. (Au wenn d'"Donauquell" im Park vum Schloss in Donaueschinge so gnennt wurd.)

[ändere] Gschichte

Furtwanger Tracht

S'erscht mol gnennt wore isch Furtwange im Johr 1179 innere Bulle vum Papst Alexander III.. Do het er im Kloster St. George dr Besitz vun dr Gmei Furtwange mitsamt dr Kilche bstätigt. De Ort muess (wege dr eigene Kilche) domols scho e beachtlichi Grössi ghet ha, isch aber trotzdem wohl erst e paar Johr früeher grindet wore.
Furtwange isch no immer wichtiger worre. Regelmässg sinn in Furtwange mindestens sitem Afang vum 17. Johrhundert au Märkt abghalte wore, do hen sich d'Nochberstädt grusig gärgert. Erst Kaiserin Maria Theresia het Furtwange 1761 en offiziells Marktrecht gei (zu dere Zit, wenn Furtwange zue Vorderösterreich ghört het).

Furtwangen im Jahr 1808

S'Stadtrecht het Furtwange aber erst im Johr 1873 bekumme.
Wichtig für d'wirtschaftliche Entwicklig isch au d'Bregtalbahn (sit 1892, stillglegt 1972) von Donoueschinge nach Furtwange gsi.
Die Uhrmacherei het d'handwerklichi und industrielli Gschicht vun dr Stadt prägt. Ufschwung het do 1850 die Gründig vun de erste ditsche Uhrmacherschuel durch d'badisch Landesregierung. Erster Schulleiter isch dr bekannte Ingenieur Robert Gerwig gsi. (Us dr Uhrmacherschuel het sich sich e Beruefsfachschuel sowie d'Fachhochschuel Furtwange entwicklet.) Dodur isch d'Uhreherstellig in Furtwange un Umgäbig professionalisiert wore. Zahlriichi Uhrenfabrike sinn gründet worre. D'Uhrefabrikation isch aber nooch em Erste Weltkrieg kontinuierlich zruckgange. Yberlebt hän numme Firme, wo sich vu dr Uhre- un Zueliferindustrie witterentwicklet hän. So isch e moderni Industri vu drMetallverarbeitig, Feinwerktechnik un Elektronik entstande, dere ihri Firme Weltruef hän.

[ändere] Religione

Katholischi Kilche
Furtwange isch traditionell katholisch prägt. Wohrschinlich isch Furtwange au vum benoochberte Kloster St. Jörge us gründet worre.