Lantfrid
Us der alemannische Wikipedia, der freie Dialäkt-Enzyklopedy
Lantfrid', au Lanfred gnonnt (lat. Lantfridus oder Lanfredus), (* ?; † 730) isch vu 709 bies 730 alamannischer Herzog gsi. Er wor d Sohn vum Gotfrid un Brueder vum Theudebald.
Noch 'm Tod vum Herzog Gotfrids im Johr 709 het d Lantfrid un sin Brueder Theudebald des Omt vum alamannische Herzog ybernumme.
Beidi Brüeder sin in ihrem Omt dän fränkische Husmeiere in vobitterti Feindschaft gegenyber gstonde. Kloschterbischof Pirmin het im Johr 724 untrm Schutz vum Husmeier Karl Martell des Kloster Reichenau mittedrin im alamannische Herzogtum grindet. Des isch vun Lantfrid und vum Theudebald als Provokation ufgfasst worre. Theudebald het 727 dän Abt Pirmin vertribe, ob odium Karoli (us Hass gegä Karl Martell) un 732 d Nochfolger Abt Heddo vum Kloschter Reichenau.
In d Johre 724 bies 730 het d Herzog Lantfrid des Lex Alamannorum, des alamannische Stammesrecht, zuer Lex Alamannorum Landridana nej gfasst.
730 het d Karl Martell ä Feldzug gegä d Herzög Theudebald un Lantfrid gfihrt. D Lanfrid isch im gliche Johr no gstorbe. Herzog Theudebald het doruf s alleinig Herzogenomt in d Alamannia ybernumme.
[ändere] Literatur
- Dieter Geuenich: Geschichte der Alemannen. Verlag Kohlhammer, Stuttgart 2004, ISBN 3170182277 / ISBN 3170120956
Der Artikel basiert uf ´ra freie Ibersetzung vum Artikel „Lantfrid“ us dr dytsche Wikipedia.
| Persoonedaate | |
|---|---|
| NAME: | Lantfrid |
| ALTERNATIVNAMEN: | Lanfred, lat. Lantfridus, Lanfredus |
| KURZBESCHREIBUNG: | Von 709 bis 730 alamannischer Herzog |
| GEBURTSDATUM: | |
| GEBURTSORT: | |
| STERBEDATUM: | 730 |
| STERBEORT: | |
