Uncilin
Us der alemannische Wikipedia, der freie Dialäkt-Enzyklopedy
Uncilin (au Uncelin, lat. Uncelenus), (* ?, † 613) isch e alamannischer Herzog vun 587 bis 607 gsi.
587 het dr austrasisch Kini Childebert II. de Alamanneherzog Leutfred I. abgsägt un de Uncilin zu siinem Nochfolger bstimmt.
Nochm Tod vum Childebert II. 595 isch dr Thurgau, dr Kembsgau uns Elsass an Burgund gonge un Uncilin domit unter d frankoburgundisch Oberhoheit vun Kini Theuderich II.
605 het dr Uncilin im Heer vum Theuderich II. gege de Brueder vum Theuderich Theudebert II. kämpft. Vermutli im gliiche Johr (oder 606) het de Uncilin de burgundische Husmeier Protadius umbringe lo.
Us Rache fir d Ermordung vum Prodadius het d Kinigin Brunichilde 607 dem Uncilin e Fuess abschloge lo, er isch dodurch als Herzog omtsunfähig gwore. Nochem Lex Alamannorum, däm alamannische Rechtsbuech, isch e Herzog numme den omtsfähig, wenn er selber uf e Ross kon stiige.
[ändere] Literatur
- Karlheinz Fuchs, Martin Kempa, Rainer Redies: Die Alamannen (Ausstellungskatalog). Verlag Theiß, Stuttgart 2001, ISBN 3806215359
- Dieter Geuenich: Geschichte der Alemannen. Verlag Kohlhammer, Stuttgart 2004, ISBN 3170182277 / ISBN 3170120956
[ändere] Ekschterne Syte
| Persoonedaate | |
|---|---|
| NAME: | Uncilin |
| ALTERNATIVNAMEN: | Uncelin, lat. Uncelenus |
| KURZBESCHREIBUNG: | alamannischer Herzog von 587 bis 607 |
| GEBURTSDATUM: | |
| GEBURTSORT: | |
| STERBEDATUM: | 613 |
| STERBEORT: | |
