Radolfzeller Aach
Us der alemannische Wikipedia, der freie Dialäkt-Enzyklopedy
 |
Dialäkt: Markgräflerisch (Ebringe) |
D' Radolfzeller Aach (au Radolfzer- un Hegauer Aach gnennt) isch e Fluss im Süde vu Bade-Württeberg (Dytschland).
Si entspringt bi Aach im 475 m ü. NN glägene Aachhafe, dr grösste Quelle vu Dytschland. Denooch durchfliesst si dr Hegau, in dem si zahlriichi Naturschutzbiite, under anderem s'Radolfzeller Aachried un d'Aachmündig, passiert. Erst in südlicher Richtig nooch Singe un no nooch Oste fliessend mündet si nooch 32 km mit ere middlere Abflussmengi vu 10 Kubikmeter pro Sekunde als viertgrösster Zuefluss vum Bodesee zwische Radolfzell am Bodesee un Moos in dr Nordwestdeil vum Undersee.
D'Radolfzeller Aach entwässeret e Izugsbiit vu 261 km². Rechnet mer ufgrund vum Aachhafe s'Izugsbiit vu dr Done dezue, entwässeret si an dr Vollversickerigsdäg vu dr Done e Izugsbiit vu ebba 1.560 km².
In früehere Zitte isch d'Wasserchraft vu dr schnell fliessende Radolfzeller Aach fer zahlriichi Müehlene verwendet worre. Hüt befinde sich mehreri Wasserchraftwercher an ihrene Ufer. Usserdem versuecht mer in jüngerer Zitt, d'Radolfzeller Aach erfolgriich z'renaturiere.
An dr Radolfzeller Aach liige d'Städte un Gmeie Volkertshuse,Büürä a de Aach Singe, Rielasingen-Worblinge un Radolfzell am Bodesee.
Der Artikel basiert uf ´ra freie Ibersetzung vum Artikel „Radolfzeller Aach“ us dr dytsche Wikipedia.
