Schweizerische Volkspartei
Us der alemannische Wikipedia, der freie Dialäkt-Enzyklopedy
| Basisdate | |
|---|---|
| Gründigsdatum: | 22. September 1972 |
| Präsident: | Ueli Maurer |
| Fraktionspräsidentin | Caspar Baader |
| Mitglider: | ca. 85'000 |
| Website: | www.svp.ch |
| Nationalrat | 53 Sitze (24.1%) |
| Ständerat | 8 Sitze (20.3%) |
| Fraueateil |
|
| Bundesrät | |
SVP isch d'Abchürzig für Schwiizerischi Volkspartei. Es isch eini vo de vier Bundesratspartei.
Unter dr inoffizielle Füehrig vom Christoph Blocher isch us dr Puure-, Gwärb- und Bürgerpartei (BGB) die grössti Partei im sogenannt bürgerliche Lager worde. Sit em 10.Dezember 2003 wo de Christoph Blocher in Bundesrat gwählt worde isch, het d'SVP au zwei Bundesratsitz. Dademit isch die langjährig bewährti Zauberformel gsprengt worde, was die unterschidlichste Reaktione hervorgrüeft het.
Innerhalb vor SVP gitts zwöi strömige, de Bärner und dr Zürcher Flügel. D'Bärner vertrette im grosse und ganze e bürgerlichi Politik ähnlich wie die vo dr FDP, wohingege d Zürcher en eher populistische Oppositionskurs fahre, was nid selte au zu Riberei innerhalb vor Partei füert.
D Problematik vom sogenannte "Zürcher" SVP-Kurs isch, dass d SVP einersiits im Parlamänt d Opposition isch und anderersiits i de Regierig sitzt. De Souverän hät das langsam gmärkt und es isch für d SVP immer schwiriger worde, sich in Exekutivwahle dure z setze, wärend si i de Legislative sehr starch zuegleit häd. I de Stadt Züri sind d SVP und d SP di stärchschte Parteie, d SVP häd aber kein Stadtrat. Und de Zürcher Regierigsrat Hueber isch 2004 zruggträtte, wil em sini Partei im Kantonsraat immer ales z Leid da häd.
