Volcae
Us der alemannische Wikipedia, der freie Dialäkt-Enzyklopedy
D'Volcae sin ä Cheltischer Schtamm i dr Antike gsi. Sä hän zwüsche Rhy, Leine un Main im herkynische Wald gsidelt. D'Volcae hän d'vordringendi Germane ä Zitlang ufghalte un schlieslich hän d'Germane alli Chelte als "walzhoz" (schpöter "walhisc") bezychnet. Dô devo chunt dr Begriff Wälsch.
Im 1te Jôhrhundert vor Chrischtus sin d'Volcae vo dä Germane zruggdrangt wôre un usgwandert. Zur Zit vum Caesar hän d'Volcae im herkynische Wald gsidelt, also vum Schwarzwald bis zu dä Karpate. Des wird als ä Indiz aagsehe dass d'Cheltischi Chultur zu däre Zit z'Mitteleuropa nô präsent gsi isch. S wird zwüsche dä Volcae Arecomici, dä Volcae Tectosages un dä herkynische Volcae unterschyde. Während dä Römischi Erobrigzüg z'Germanien hät d'Cheltischi Bvölkrig chei grossi Roll meh gschpylt.
In dä volgendi Jôhrhunderte sin d'Volcae romanisirt wôre un i dr Gallo-Romanische Chultur ufgange. Als d'Alamanne im 6te/7te Jôhrhundert ygwandert sin, hän warschynlich immer nô reschte vur Cheltischi Bevölkrig dô glabt, andersch cha mer d'Cheltischi element im Alemannische nüt erchläre. Deswäge ghöre d'Volcae nebe dä Helvetier un dä Rauriker zu dä Cheltischi Vorfahre vo dä hütigi Alemanne.
