Welsch
Us der alemannische Wikipedia, der freie Dialäkt-Enzyklopedy
Wälsch oder Wäutsch isch d'alemannische Bezeichnig für d'Franzose un Weschtschwiizer; un andri romanischi oder cheltischi Völker oder Regione. S'Wort chunt vo Germanisch walha un het syn Urschprung möglicherwys bi de Volcae, e cheltischer Stamm wo näbe de Germane gläbt het. Spöter isch dr Begriff uf d'romanisirte Kelte übertrooge worre.
- Vo de Ängländer isch walhisc uf d'Waliser übertriige worre; deswäge welsh un Wales.
- I dr Schwiiz wird s'Französische un vorallem d'französischsprochige Schwiiz au als Wälsch bezeichnet. Z'Bade un im Elsass wird dr Begriff higege vermiide un als abwärtend empfunde. D'romanischsprochige Bvölkrig vum Elsass het de Begriff schlieslich als Eigebezeichnig überno un nennt sich un syni Sproch Welche. S'glyche gilt für d'Wallone. Usserdäm sin d'Rätoromane früeher au als Wälsche bezeichnet worre.
- Seltener wird dr Begriff uf d'Romäne (Walachei) un d'Italiener bezoge.
- S'Wallis goht allerdings nüt uf de Begriff zrugg.
