Zeitrechnung
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Zittrechnig« |
Under Zittrechnig oder au Ära verstoht mer d'Zellig vu Johre ab ere gwisse Epoche. Anderst wie in dr Umgangssproch isch e Epoche nit e Zittruum, sundern dr Afang vu ere Zittrechnig oder ere Ära.
Die weltwitt vorherrschend christlich Zittrechnig fangt am 1. Jänner vum Johr 1 a.
Chei Zittrechnig fangt mit eme Nulljohr a. E Johr bezeichnet wie e Dag e Zittruum. So fangt an Nöijohr um 0.00 Uhr die erst Sekunde vu dr erste Minute vum erste Dag vum erste Munät vum nöie Johr a, mer schribt also dr 1.1. und nit e 0.0. Was fer Munät un Däg giltet, giltet drum au fers Johr.
D'Epoche vu andere Kalenderäre rechnet mer in Date vu dr christliche Zittrechnig um. Die christlich Zittrechnig het usserdem d'Bsunderheit, dass si in dr Regle fers Schaltjohr vum julianische uf dr gregorianisch Kalender gwexlet isch. Date vor 1582 sin julianisch, ab 1582 deno gregorianisch.
anderi Kalenderäre sin bispilswiis:
- Jüdischi Ära
- Islamischi Ära
- Byzantinischi Ära
- Seleukideära
- Ära vum Diokletian
- Römischi Ära
- Japanischi Ära
Die Byzantinisch un die Römisch Ära sowie d'Seleukideära un d'Ära vum Diokletian rechne nooch em Julianische Kalender, die Japanisch Ära rechnet noochem Gregorianische Kalender. Die Jüdisch Ära het e eigene Mond-Sunne-Kalender, die islamisch e Mondkalender.
