Andaluz
De Biquipedia
- Iste articlo ye sobre o dialeuto andaluz d'o castellán. T'a localidá d'a probinzia de Soria se beiga Andaluz (Soria).
L'andaluz ye la modalidat (u modalidaz) lingüistica que mira d'abracar las diferens bariedaz d'o español meridional d'España fablatas á Andaluzía, Chibraltar e las ziudaz autonomas de Zeuta e Melilla. Si bien istas bariedaz comparten belas caracteristicas, las diferienzias de probinzia á probinzia son tamién prou importans. L'andaluz gosa d'estallar-se dialectalmén en dos faxas, la oczidental e la oriental, anque en l'actualidat se considera que ista dibisión ye basata en criterios subchetibos.
Contenius |
[Editar] Belas caracteristicas cheneralizatas de l'andaluz
- Neutralizazión de "s"/s/ e "z"/"ce, ci" /θ/ inizials u interbocalicas, lo que deriba, seguntes la zona, en seseo u ceceo. (Si bien bi ha una zona d'Andaluzía an la neutralizazión no se produz e se destingue igual como n'o español septentrional.)
- Aspirazión (u desaparizión) bariable d'un gran numbro de consonans finals de silaba u parola.
- Tendenzia t'a cayedura d'a "d" interbocalica e, en bels casos, d'a "r".
- Pronunziazión d'a "j" como una aspirata, semellán á l'"h" anglesa, fueras d'en belas partes d'o NE andaluz.
[Editar] Aspeutos soziolingüisticos
Á España, per un regular, l'andaluz contina estando marcato sozialmén como una bariedat menos prestichiosa que la castellana, considerata la estándar n'os medios de comunicazión. Manimenos, muitas d'as carauteristicas lingüisticas (sobre tot foneticas) de l'andaluz pueden beyer-sen reflexatas n'os estándars d'o español d'America.
[Editar] Aspeutos culturals
L'andaluz ye á ormino considerato la luenga d'a mosica flamenca. Andaluzismos prou conoxitos son asoziatos á lo flamenco: cantaor, tocaor, bailaor.
D'entre los bocables andaluzes que son entratos n'o idioma español cheneralizato, bi ye lo de juerga ("baruca, tabola"), orichinato n'a pronunziazión andaluza de huelga (anticamén "folgura, esqueferanza", actualmén "aturata laboral").
