Bal d'Aspe
De Biquipedia
A Bal d'Aspe (Vath d'Aspa en gascón biarnés, Vallée d'Aspe en franzés) ye una bal pirinenca.
Contenius |
[Editar] Localizazión
A Bal d'Aspe ye una bal biarnesa, una d'as tres bals de l'Alto Biarn, ubicata en o departamento aquitán de Pyrénées-Atlantiques, á lo SU de Franzia. A bal ye ruxiata per a garona d'Aspe, e s'estendilla cuasi 40 km dende o lugar d'Escot dica lo Puerto de Somport (1662 m).
L'alta bal d'Aspe acubilla una parte d'o Parque Nazional d'os Pirinés.
[Editar] Istoria
A bal ye estata tradizionalmén una importán bía de comunicazión entre Aragón e Gascuña, unindo a Chazetania d'un canto e lo Biarn de l'altro. Bal de pastors, ye estata un camín de paso ta os pelegrins que feban a carrera de San Chaime per a clamata Bía d'Arles enta Santiago de Compostela, en Galizia.
En os años 90, os ecolochistas protagonizoron en a bal d'Aspe una importán luita contra la planificazión d'a carretera que leba ta lo túnel de Somport.
[Editar] Carauteristicas
A naturaleza d'a bal ye encara prou conserbata, bibindo en ella encara los zaguers onsos d'os Pirinés.
D'entres os produtos tradizionals, en destacan os suyos quesos.
Tamién cal destacar en a bal:
- o ecomuseu d'a Bal d'Aspe
- o casco (u cirque) de Lescún.
- o camín de la Mâture.
[Editar] Enlazes esternos
- Sitio web d'a Bal d'Aspe. (En franzés)
- Rota d'a Bal d'Aspe en o Parque Nazional d'os Pirinés. (En español)
