Garzía I Galíndez
De Biquipedia
|
||
| Informazión | ||
|---|---|---|
| Conde en |  Condau d'Aragón |
|
| dende | 820 | |
| dica | 833 | |
| Prezedito por | Aznar I Galíndez | |
| Suzedito por | Galindo Garzés | |
| Naximiento | ? | |
| Muerte | 833 | |
Garzía I Galíndez o Malo (?-833), conde d'Aragón (820- 833).
Fillo de Galindo Belascotenes, se casó con Matrona, filla de Aznar I Galíndez conde d'Aragón. Mató á lo suyo cuñau Zentulfo y rebuyó á Matrona ta casar-se con Nunila de Pamplona, filla d'Iñigo Arista rei de Pamplona, con a cuala abió un fillo, Galindo Garzés. Seguntes a tradizión, a causa estió que Zentulfo y o suyo chirmán Galindo I Aznárez li fazioron una broma encerrando-li en una casa la nuei de San Chuan.
Iñigo Arista li proporzionó un chicot exerzito con o cualo deposó a Aznar I Galíndez y prenió lo gubierno d'o condau d'Aragón (820).
En 824, apoyó á Iñigo contra una espedizión franca en Nabarra ordenata por Luis o Piadoso y comandata por os condes Elbe y Aznar. Con l'aduya de Musa ibn Fortún, d'a familia d'os Banu Qasi, os francos estioron redotatos.
Seguntes belas fuens, en 833 dixó lo gubierno d'o condau á lo suyo fillo Galindo Garzés.
| Prezedito per: Aznar I Galíndez |
Conde d'Aragón | Suzedito per: Galindo Garzés |
