Miguel Fleta
De Biquipedia
|
Miguel Burró Fleta naxito en 1897 d'Albalat d'a Zinca (probinzia de Uesca), estió un tenor aragonés. Ye uno d'os más grans cantaires d'opera de toz os tiempos.
En setiembre de 1917 ye cuan destacó en un concurso de jota zelebrado en Billanueba de Galligo. Dimpués d'isto fue ta Barzelona á estudiar en o Conserbatorio Isabel II.
O suyo debut en Milán estió en 1919 con a opera Zandonai y en o Metropolitan de Nueva York fa o suya primera autuazión en 1923. Mientres os años 20 biachó fendo autuazions dende China dica Suramerica, pasando por as prenzipals ziudaz d'Europa.
A suya boz podeba cubrir dende o tenor dica o baritón y o suyo repertorio s'adautaba á las obras d'a escuela italiana de Verdi (Aida, Rigoletto), Donizetti (La favorita), Leoncavallo (I pagliacci) y Puccini (Tosca, Turandot)
L'inte más importán d'a suya carrera estió a partizipazión en 1926 d'o enguero postumo de Turandot, a opera de Puccini en o tiatro d'a Scala de Milán, baxo a direuzión d'Arturo Toscanini
Cuan se proclamó a II Republica fazió una grabazión d'o inno de Riego. Dimpués, en 1936 s'afilló á la Falange, seguntes dizen beluns combenzito por o mesmo José Antonio Primo de Rivera. Mientres a Guerra Zebil se tresladó ta A Coruña an murió lo 28 de mayo de 1938 colaborando con o bando sulebato.
