Postre
De Biquipedia
O postre ye o plato dulze que se mincha á la fin d'a comida, anque asobén tamién se mincha fruta, más que más en berano que bi ha más bariedá; cuan se fabla de postres quiere dizir bella preparazión dulze, bien sigan cremas, tartas, pastels, chelatos, bombons, ezetra.
[Editar] Postres en Aragón
En Aragón bi ha asabelos postres arredol d'a suya cheografía. Bels exemplos de postres d'Aragón son istos:
- As frutas d'Aragón que ya se feban dende a epoca romana coziendo-las en charabe ta conserbar-las, dimpués se cubrioron con chicolate.
- Os sospiros d'o monesterio de Casbas: tipicos d'a localidá de Casbas de Uesca, son una mezcla de claras de güego á punto de nieu y zucre.
- As tortas de l'alma d'o Mayestrau, son feitas de farina de trigo, zucre, azeite d'oliba, matafalúa, mistela y "alma", una mermelada de carbaza feita nomás con zucre y miel.
- O coc de Fraga feita con pasta de farina que fermenta y se replena de fruta fresca u frutos xutos.
- A trena d'Almudebar ye una pasta de refollau replena de frutos xutos, pansas, nuezes y almendra.
- Os pastillos de carbaza d'a Zinca Meya.
- As almojábanas de Daroca, Albarrazín y o Mayestrau son unos lamins de orixen arabe, replenos de crema. En Albarrazín son ditas Almojábanas de Ben Razín.
- A miel sobre hojuelas de Baldecaxicos son muñuelos feitos con lei, farina y manteca.
- As piedrecicas d'o Calbario d'Alcorisa son carambels con miel, zucre y almendra bañatos en chicolate.
- Os crespillos, borraja rebozata y frita tipicos d'o Semontano de Balbastro.
- O malacatón con bín.
- As castañas de marzapán de Uesca.
- O mostillo de remolacha de Cantabiella u Osella
- O pan de figos, orixinario d'as tierras d'a Zinca Baxa
- O pastel ruso de Uesca.
- Os chaqueses de Chaca, un pastel de bizcocho con nata u crema.
- O pastel Biarritz de Balbastro, un pastel feito de güegos, zucre y almendras.
