Tergüel

De Biquipedia

Tergüel
Plaza d'O Torico
Comunidá autonoma	Aragón
Probinzia	Tergüel
Redolada	Comunidá de Tergüel
Codigo postal	{{{cp}}}
Latitú Lonchitú	40° 20’ 24’’ Norte  1°  6’  0’’ Ueste
Superfizie	440,4 km²
Altaria	915 m.
Distanzia	{{{distanzia}}} km enta Tergüel
Poblazión	28994 ab.
Chentilizio	{{{chentilizio}}}
Ríos	Turia
Pachina web	http://www.teruel.net

Tergüel ye una ziudá d'Aragón, en a redolada zentro-oriental d'España, capital d'a probinzia con o mesmo nome. Con 32.304 abitáns (2003) ye a capital de probinzia menos poblada d'España. Ye situata en a confluyenzia d'os ríos Guadalabiar y Alfambra, y ye dende Tergüel cuan o primer prenzipia a clamar-se Turia. En a Sarra d'Albarrazín naxe antimás o río Tajo.

Ye espezialmen conoxita por o suyo pernil y o suyo arte mudexar reconoxita por a Unesco como Patrimonio Común d'a Umanidá.

As suyas fiestas Patronals se zelebran o 7 de Chulio, a Baquilla de l'Ánchel, carauterizatas por o suyo pasacarreras mosicals (charangas), bailes nueiturnos y toros ensogatos por as carreras d'o zentro d'a ziudá.

Entre os suyos atrautibos toristicos se troban as suyas edificazions mudexars, o mausoleyo d'os amans de Tergüel, o zentro paleontoloxico Dinópolis y una gran riqueza natural. O suyo arte mudexar remera o suyo pasato multicultural. Os molimentos más destacaus d'iste estilo son a Ilesia de Santa María, Seo d'a diozesis de Tergüel, as torres de O Salbador, San Martín y San Pietro, a cualos piules se i troba a ilesia que tien o mesmo nombre, tamién d'arte mudexar.

Contenius 1 Istoria 2 Guerra Zebil 3 Esporte 4 Enrastres esternos

[Editar] Istoria

Tergüel estió poblata dende os tiempos d'os Iberos ; bi ha restas en o chazimiento d'o Poblau iberico; estió ocupada por os romans quedando poblacións an esistioron campamentos (Castralbo d'o Latín Campamento Blanco), ocupata por l'arabe Tarik, y cristianizata por Alifonso II; os suyos abitáns interbinioron en a conquista de Balenzia á los arabes, estando-li atorgato lo tetulo de Ziudá en 1347 por a suya colaborazión en as Guerras d'a Unión.

[Editar] Guerra Zebil

Tergüel adquirió triste fama mientres a Guerra Zebil, por estar o eszenario d'a clamata Baralla de Tergüel. Abendo cayito en mans d'os sulebatos á lo comenzipio d'a guerra, estió a unica ziudá prenita por a Republica y posteriormén reconquistada por as tropas de Franco. A ziudá quedó prauticamén destruyita. Un dato refitolero ye que en a baralla de Tergüel s'emplego por primera begada, y como preludio d'o que ocurrirba en a Segunda Guerra Mundial, l'abión alemán Ju-87 Stuka.

[Editar] Esporte

• Club Deportivo Teruel

[Editar] Enrastres esternos

• Conzello de Tergüel
• Torre Mudexar d'O Salvador