Bandera d'Arxelia
De Uiquipedia
La bandera d'Arxelia foi usada por primer vez el 3 de xunetu de 1962. Ta compuesta per dos metaes, una verde y otra blanca. Al centru de la bandera asítiase una media lluna menguante xunta una estrella de cincu puntes, dambes de color roxu. El color blancu representa la pureza, mentantu'l verde y la lluna representen l'Islam.
Se diz qu'esta bandera foi utilizada per primer vez poles tropes d'Abdel Kadir nel sieglu XIX, d'otra miente, nun hai prebes concretes d'aquello. Lo que sí ye nidio que modelos asemeyaos foron usaos pol Frente de Lliberación Nacional demientres la Guerra d'Independencia, y fueren estos símbolos nos que se basaron los arxelinos pa creyar la so bandera nacional.
[editar] Otres banderes
