Bandera de Burkina Faso
De Uiquipedia
La bandera de Burkina Faso ta formada por dos franxes horizontales d'igual anchor, de color roxu la d'arriba y verde la d'abaxu, con una estrella mariella de cincu puntes nel centru la bandera. Los colores son los del panafricanismu (que se basen nos de la bandera d'Etiopía), anque tamién representen a la revolución socialista (el roxu) y a la fecundidá de la tierra de Burkina Faso (el verde). La estrella mariella representa la rellumosa guía de la revolución.
Esta bandera foi adoutada'l 4 d'agostu de 1984.
[editar] Banderes hestóriques
Fasta'l 4 d'agostu de 1984, el nome de Burkina Faso yera Alto Volta, y dende la so independecia de Francia'l 1 d'agostu de 1960 fasta esta data la bandera d'Alto Volta yera una tricolor formada por tres franxes horizontales, prieta, blanca y roxa, representando a los tres mayores ríos del país, el Volta Prietu, el Volta Blancu y el Volta Roxu.
