Captura electrónica
De Uiquipedia
| Procesos nucleares |
|---|
Desintegración radioactiva
Nucleosíntesis
|
La captura electrónica (ε) ye una triba de desintegración radioactiva que se da n'elementos químicos cuando hai demasiaos protones nel nucleu atómicu y ésti nun tien enerxía abonda pa emitir un positrón (emisión de positrones).
El fenómenu observáu ye qu'ún de los electrones presentes nos orbitales del propiu átomu ye capturáu por ún de los protones del nucleu, formando un neutrón y un neutrín (que se llibera del nucleu).
El númberu de neutrones nel nucleu increméntase en 1, el númberu de protones reduzse en 1 y la masa atómica caltiénse inalterada. Al camudar el númberu de protones, la captura electrónica convierte l'elementu nun nuevu elementu, con una reducción de 1 nel númberu atómicu.
