Espo 2005
De Uiquipedia
La Espo 2005 foi la Esposición Universal que se cellebró ente'l 25 de marzu y el 25 de setiembre de 2005 (una duración de 185 díes) na Prefectura d'Aichi, Xapón. El nome de la esposición en xaponés ye –lliteralmente– "Esposición l'amor - la Tierra" xeneralmente tornáu comu "Esposición del amor a la Tierra" (愛・地球博, Ai-chikyū haku), siendo'l nome en xaponés un juegu de pallabres (洒落, share) con 愛知万博 (Aichi Banpaku, Esposición Universal d'Aichi). El llema de la esposición ye "La sabiduría de la ñatura" (自然の叡智, jizen no eichi).
L'área principal ta na ciudá de Nagakute, al este de Nagoya, nún área de 1,85 km². Un pequeñu seutor de 0,15 km² cerca de Seto ye tamién parte de la Espo. La ciudá de Toyota tamién tien dellos eventos, pero nun tien un área d'exhibición. Los organizadores esperen un total de 15 millones de visitantes.
Al área de Nagakute pue llegase fácilmente dende Nagoya per metru (llinia Hagashima) a la última parada en Fujigaoka, siguíu por un recorríu nel nuevo LINIMO, un tren de llevitación magnética.
