Esposición Universal
De Uiquipedia
Esposición Universal ye'l nome xenéricu de varies esposiciones de gran envergadura celebraes per tol mundu dende la segunda metá del sieglu XIX. La organización que s'ocupa oficialmente de nomar les ciudaes organizadores d'esti tipu d'eventos ye'l Bureau International des Expositions (BIE).
Les esposiciones aprobaes pol BIE pueen ser consideraes universales, internacionales o especializaes, con una duración d'ente 3 y 6 meses. Sicasí, cualisquier país o ciudá pue organizar feries ya esposiciones similares ensin el patronazgu del BIE.
El conceutu d'esposición universal contribuyó fuertemente a la comunicación social de los llogros imperialistes, al incorporase como curiosidaes ellementos etnográficos propios de les cultures dominaes por parte de les grandes potencies imperiales.
D'esti mou, nestes mega-feries amosabense los grandes avances de la invención teunolóxica al llau de les últimes espresiones (aceutaes pola Academia del arte).
