Estelada
De Uiquipedia
La bandera estelada o namái estelada ta considerada la bandera que simboliza la independencia de Cataluña o de los Países Catalanes (magar que nel País Valencianu haiga la 'estrelada, qu'evolucionó de xeitu paralelu a la 'Senyera coronada valenciana').
El so oríxe data d'entamos del sieglu XX y ñaz de la fusión de los cuatro palos tradicionales col triángulu con estrella a imitación de la bandera de Cuba. Garróse esti modelu por ser Cuba era un estáu que s'independizare va pocu d'España y yera poro un referente.
Hai dos modelos principales:
- La denomada estelada blava (azul), que ye la primera y que s'alcuentra yá n'espublizaciones de 1918.
- La denomada estelada roja (roxa), que tien connotaciones d'esquierdes pol collor de la estrella y suel rellacionásela cola defensa d'un estáu independiente comunista o socialista.
Nun quedó fixada la orientación de la estrella y delles vegaes tien un llau paralelu cola vara curtiu de la bandera - como nos casos anteriores - y a vegaes tién el paralelismu cola vara llarga, como na imaxe de la drecha.
Les sos dimensiones tampocu quedaron fixaes pero suelen tener unes proporciones de 2:3.
Grupos minoritarios interesáronse n'implantar otres banderes estrellaes con estremaos collores pero ensin ésitu dengún.
Dende la creyación d'esta bandera, creáronse munches independentistes darréu que tamién teníen una estrella, com agora la gallega, l'occitana, l'aragonesa, l'asturina o la saharauí.
