Festival Intercélticu d'Avilés
De Uiquipedia
El Festival Intercélticu d'Avilés ye un festival que se cellebra escomencipiando'l branu n'Avilés y na so comarca (Asturies, España) dende 1997. Ta dedicáu a les tradiciones culturales (y les sos evoluciones) de los nomaos paises celtes con especial pesu de la música y de la danza, anque tamién recueye otres formes d'arte como pintura, fotografía, teatru, escultura, artesanía asina como deportes, gastronomía, etc. Entámalu l'Asociación Cultural Esbardu, afincada na ciudá.
La idea de facer un festival d'esti tipu n'Avilés xurde, según cuntaren en delles ocasiones los responsables de l'asociación, na primer participación d'Esbardu nel perconocíu Festival Intercélticu de Lorient en 1993, onde queden ablucaos pola magnitú del mesmu y entamaron a barruntar la idea de facer daqué similar (na midia de lo posible) n'Asturies, y más concretamente na so ciudá. D'esta mena nel branu de 1997 el proyeutu FIA algama una de les tres sovenciones aprobaes pol Gobiernu del Principáu d'Asturies, la de menos cuantía, amás d'otra otorgada pol Ayuntamientu d'Avilés y ñaz lo que foi la primer edición del festival. L'ésitu y la bona acoyida d'esta primer edición sirvió pa que la organización tirase p'alantre, a pesar del déficit económicu, coles siguientes ediciones. Na edición de 2006 el festival cuntó con 1.175 participantes directos repartíos nos 150 actos programaos nos 11 díes que duró el mesmu, xuntando a 800 músicos, baillarines y actores nun mesmu desfile.
[editar] Galería de semeyes
 El Gaiteru de Veriña nel IX Festival el 22 de xunetu de 2005 |
 Momentu del desfile "Sesta Feria" de 2005 |
 Amuesa de corte con hachu (2005) |
|
 Fonsu Mielgo (Llan de Cubel) nuna actuación nel VIII Festival (2004) |
[editar] Enllaces esternos
Esti artículu ye un entamu, ampliándolu, ayudarás a meyorar la Uiquipedia
Categoríes: Entamos | Avilés | Música | Danza | Fotografía | Artesanía | Escultura | Pintura | Deportes
