Fotografía
De Uiquipedia
La fotografía ye la teúnica de grabar imáxenes (semeyes) fixes sobre un material sensible a la lluz basáu nel principiu de la cámara escura. Na cámara escura proyeútase una imaxe recoyida por una lente o un conxuntu de lentes sobre una superficie, quedando la imaxe reducida de tamañu y nidia. Utilízabense hasta hai poco pa almacenar les fotos de forma esclusiva les películes fotográfiques, usando anguañu tamién sensores dixitales.
La pallabra fotografía vien del griegu y significa "dibuxar cola lluz" (de photos = lluz, y graphis = dibuxu).
La primer fotografía paez que la fixo en 1826 Nicéphore Niepce. Esta imaxe necesitó ocho hores d'esposición a la lluz. En 1839 Jacques Daguerre desendolcó un procesu basáu na plata nomáu Daguerrotipu, l'antecesor de la fotografía instantánea. William Fox Talbot creyó un métodu basáu nel cloruru de plata que producía una imaxe en negativu.
La cámara escura foi inventada nel sieglu XVI por artistes pa facer bocetos y les carauterístiques del nitratu de plata descubrióla Johann Schultze en 1724.
En 1901 Kodak sacó al mercáu la so cámara que ye'l modelu de toles que vinieron dempués. La fotografía en color y la automatización del enfoque y el cálculu de la velocidá d'esposición y apertura del diafragma sedríen desendolcos posteriores. En 1925 salía la Leica de 35mm.
La primer fotografía en color fíxola James Clerk Maxwell en 1861. La primer película fotográfica en color (AutoChrome) salió en 1907. Agfacolor desendolcó una teunoloxía en color en 1936 que llega anguañu.
En 1990 apaez la cámara dixital.
[editar] Ver tamién
- Fotografía química
- Fotografía dixital
- Acutancia
- Fotografía artística
- Periodismu fotográficu
- Llista de fotógrafos
