Macedonia Antigua
De Uiquipedia
Macedonia ye una rexón hestórica allugada nos Balcanes y que se formaba dende antigu pola xunión de las autuales Épiru, Tesalia y Tracia colu que güei conocemos como la Macedonia hestórica, ye diciere l'estáu de Ex República Yugoslava de Macedonia, la provincia búlgara de Blagoevgrad (Pirin-Macedonia), la Macedonia Griega -con capital en Tesalónica- y dellas comarcas d'Albania oriental.
[editar] Cultura
La filiación cultural de los macedonios nun paez tar clara, por embargu sí paez claru que la súa llingua yera indoeuropea pero abondo estremada de la griega quienes nun consideraban a Macedonia parte del sou enxeme cultura como lu amuesan los comentarios d'hestoriadores como Tucídides ou'l nome de bárbaros -estranxeiros- que los griegos de la dómina daban a los macedonios; y, si qu'asina, la hestoria del antiguu reinu de Macedonia ta enllazada cola de Grecia y Anatolia. Sigún estudios arqueolóxicos en 700 a.C. un pueblu nomeáu mcedoniu emigróu pal leste dende la súa tierra natal a la veira del ríu Aliacmón, espardiéndose ta la península Calcídica.
[editar] La macedonización de Grecia
Macedonia algamóu una posición hexemónica dientru Grecia pente'l reináu de Filipo II (359-336 a.C.). Aleixandre'l Grande, fíu de Filipo ya escolín del filósofu Aristóteles, llevóu los exércitos macedonios ta'l norte d'África, Arabia, Mesopotamia y la India. Abríendose con eillos la dómina conocida como Helenismu ou pa outros hestoriadores como la "macedonización" de Grecia.
Llevantáu nun curtu períodu de 11 anos, l'imperiu macedoniu helenizóu l'Oriente. Aleixandre'l Grande fundóu una gran cantidá de ciudaes nas tierras conquistadas, ente eillas Alexandría, n'Exiptu.
