Mar de Xapón
De Uiquipedia
El Mar de Xapón ye un brazu del Océanu Pacíficu que s'estiende ente Xapón, al este, y el continente asiáticu, al oeste. Cubre aprosimadamente un millón de km² de superficie.
[editar] Carauterístiques físiques
EL mar ta arodiáu poles islles xaponeses d'Hokkaido, Honshu y Kyushu y pola islla rusa de Sajalin pel este, y pola península de Corea y la parte continental de Rusia pel oeste.
Ta conectáu con otros mares mediante cinco estrechos de poca fondura: l'estrechu de Tartaria ente Asia continental y Sajalin; l'estrechu de La Perouse ente les islles de Sajalin y Hokkaido; l'estrechu de Tsugaru ente les islles de Hokkaido y Honshu; l'estrechu de Kanmon ente les islles de Honshu y Kyushu; y l'estrechu de Corea ente la península de Corea y la islla de Kyushu. L'estrechu de Corea ta compuestu pola Canal Occidental y l'estrechu de Tsushima alredor de la islla Tsushima.
- Másima fondura: 3.742 metros baxo'l nivel de la mar
- Fondura media: 1.752 metros
- Superficie: alredor de 978.000 km².
[editar] Disputa sobro'l nome
Tradicionalmente esta mar conocióse n'español y notres llingües como la mar de Xapón mundialmente, anque'l gobiernu de Corea ta en desalcuerdu cola denominación, prefiriendo l'alternativa de mar Oriental o mar del Este.
