Stan Sakai
De Uiquipedia
Stan Sakai (Kyoto, Xapón, 25 de marzu de 1953) ye un dibuxante de cómic xaponés-americanu, creador del personaxe d'Usagi Yojimbo y ganador de tres premios Eisner.
A los dos años treslladóse cola so familia a vivir a Hawaii, onde estudió belles artes na Universidá. Más sero tamién estudió nel Art Center College of Design en Pasadena (California). Anguañu reside y trabaya en Los Ángeles.
Trabayó tamién como lletrista de cómic, especialmente nes aventures de Groo the Wanderer de Sergio Aragonés y Mark Evanier, aunque la so sonadía dientro del mundu de la historieta vino-y de la mano de la so creación más popular: Usagi Yojimbo, la épica saga de Miyamoto Usagi, un coneyu samurai del Xapón del sieglu XVII. Estes aventurés entamaron a ser asoleyaes en 1984, y tovía anguañu se sigue editando, con Sakai como únicu autor. Tamién Sakai foi'l creador de la serie futurista Space Usagi.
Nes histories de Groo apaez caricaturizáu a mou d'homenaxe faciendo'l papel d'escribanu.
[editar] Stan Sakai n'Asturies
Invitáu pol Salón Internacional del Cómic que se celebra añalmente en Xixón, Stan Sakai, tuvo presente na edición del añu 1999, participando nuna sesión de firmes y nuna charra col públicu que posteriormente sería recoyida na revista El Wendigo. Esti mesmu Salón concedió-y los premios a la Meyor Historia Curtia (1999) y Meyor Guión (2000).
